當年我曾經追到一位女神,但我竟然飛左佢。: 第三十八節:校園

經歷完三日兩夜既班會camp,又番返到正常既校園。

好多同學都利用課餘時間例如小息,午膳完或者放學既時候聚埋一齊玩各種卡牌遊戲。

更誇張既係有同學帶左紙牌麻雀返學校玩。

大家都肯放低讀書既時間輕鬆下同其他同學玩下小遊戲係一件難我可貴既事。

自從班會camp之後,睇黎佢地都明白高中生涯一閃即逝,所以肯抽時間出黎玩樂。



而除左自己班之外,選修科既同學亦都係伴隨我地三年既好拍檔。

點解叫拍檔?因為我兩科選修科好多時都需要出外考察地貌同歷史文物。

考察完仲需要分組提交各種報告,每位組員都要完成自己既部份,可以話係缺一不可。

我兩科選修科都有各自既whatsapp群組,中史群比較靜因為有老師係裏面。

而地理就比較多野講啲,通常大家都係問下功課,有時我會約仍地出黎食下夜晚。



本來都無乜人應機,但後來阿芬幫手叫自己班既人出黎食,變到我地每個月最少出黎聚一次。

而為左方便老師了解同學既長短處,有部份選修科都開始分班上堂。

面臨DSE愈黎愈近,大家面對既壓力都愈大,差唔多每日都需要兩至三份卷黎準備。

阿彤見我成績退步左都講解我做錯啲咩幫我補下習咁,自從過左一半中五,我地兩個拍拖既時間都愈黎愈少。

但我地既感情都無變淡到,反而因為學業而多左溝通。



某一個星期六,我地約左出自修室溫習。

「其實妳唔洗成日幫我溫習啦,妳有時間就顧下妳自己。」我同阿彤講

「鬼叫你係我男朋友咩,比著第二個男仔我一早放棄左佢。」阿彤講

聽到阿彤咁講我都有少少感動,但係.................

「阿彤,我有少少野想同妳講。」我講

「講啦,有邊到唔明呀?」阿彤一邊做自己份卷一路問我

「其實我諗住中六畢業就過去外國讀書,我中四既時候已經決定左,妳.............會唔會等我?」我好認真咁講

「妳依家同我做好依份卷先啦,唔好講咁多。」阿彤低頭做卷我睇唔到佢答我個時既表情



之後我地兩個都無出聲,大家各自各做自己份卷。

溫左同做左差唔多兩舍鐘卷之後我地就一齊離開自修室。

送阿彤去左佢屋企樓下,佢不忙同我打打氣要我加油唔好放棄就上番屋企。

而我自己行緊番屋企個時就諗,究竟阿彤頭先有無諗過我造去外國個件事?