是咁的，派過好人卡比我嘅女神，話想我做佢條仔: 第二章:在公園那鞦韆，我看到我和她的影子

第二章:在公園那鞦韆，我看到我和她的影子
「吓?」錢嬉雅她表現得有點錯愕，「咁耐之前嘅野我點記得姐!」

「係喎，都五年前啦喎，你吾記得都好正常姐。」

但係我吾會吾記得。

「喂，黎進廷啊，我電話無電喇，你肯收線未?」

「吓，但係好似係你打過黎架喎，係你迫我同你講野咋喎。」我以笑帶過失落。



「又好似係啊呵，咁我地繼續傾啦!」

嘟--------嘟--------嘟--------

「唉，我早就估到你會咁樣收我線。」我對住部電話自言自語。

我坐在公園，關掉電話，舉起啤酒暢飲。旁邊的空罐愈來愈多，而我則愈來愈不清醒。

「點解......點解你嗰時要派好人卡，搞到我之後表白次次都失敗!」



我又開始自言自語，語無倫次。

有一對情侶來到公園，舉止親蜜，走到兒童遊樂場盪鞦韆。

他們看似少我兩三歲，是高中生，旁若無人。而我則像公園阿叔，借酒消愁。

吃不到的葡萄是酸的。

但我並不是嫉妒他們，只是羡慕。



在公園那鞦韆，我看到我和她的影子。

五年前，我們中三。

因為當了三年同班同學，加上坐在一起，所以便變得很熟絡。又因為我們住得近，所以我們會約在一起上學和放學，有時更會約出來見面。

一個女仔上堂會同你chit chat，而且日日仲要番學放學都一齊，過時過節又會約出街，根據男人最準確嘅第六感，條女無九成都有十成係鐘意你。

如果你係咁諗的話，咁你就大錯特錯了。

但很不幸，我當時就是抱着這個想法。

那天是平安夜，我約她一起遊玩。



沒錢去海洋公園，於是便到Mk行街。行下女人街，睇下衫，又行下西洋菜街，食下魚蛋燒賣，仲有時間就行埋朗豪坊，咁就一日。

我們並肩而行，但無拖手。然而那時我竟認為在人們眼中我們是情侶。

之後我帶她去了一間氣氛還不錯的西餐廳，各自點了餐。我們本想在吃飯時表白，但不想破壞氣氛，即使自以為她喜歡我。

吃完晚餐後，在海濱散步，輕鬆地聊天。

那時聖誕節氣氛濃厚，自然有人在街上買花。

銷售員:「先生，聖誕佳節，買枝花送比女朋友啦!」

我連忙說:「吾係啊，吾係啊，佢吾係我女朋友黎架!」

明知係銷售員慣性屈人買野嘅手法，但心裹不自覺地含春咁笑。



錢嬉雅:「吾緊要啦，就當支持下人地都好啦！幾多錢?」

錢嬉雅比左十蚊個sales之後，佢將枝花送左比我。

我:「做咩無端端送花比我?」

錢:「無啊，想多謝你陪我玩左成日姐。」

我:「但乜有女仔會送花比男仔架咩?」

錢:「無啊，見係你先至送架咋，我係咪好偉大呢?」

我心裹又不自覺地含春咁笑。



漸漸走到中學附近那個公園，走累了，便到公園坐下。

難得兒童遊樂場無人，我們竟玩起盪鞦韆。

遊樂場有兩個鞦韆，一時一起盪鞦韆，一時推對方的鞦韆。

除了盪鞦韆，我們還玩了滑梯、吊環等遊樂設施，像個大孩子，笑聲不斷。

玩累了，便坐在長椅上。

公園依舊無人，就算有人，反正我們也是旁若無人。

十一時多，快到聖誕節了。

很想留着那一刻，很想她能陪伴我過聖誕。於是我終於表白了。



「錢嬉雅，我有野想同你講，」我頓了一頓，「其實我鐘意左你好耐!」

表白最緊要一次過講哂，吾係你就無勇氣再講落去。

全場靜左一陣之後，她緩緩地說:「黎進廷，其實你真係好好架，你人好，又對我好，我很喜歡和你相處......」

聽到依度仲曾經以為自己成功，成個kai樣出哂黎。

「但係......」她繼續說，「但只係朋友嗰種『喜歡』囉!」

吓?!

係我誤會咩?真係我誤會咩?

從來無諗過表白失敗的話應該點面對，所以呆左喺度。

「咁......咁點解要送花比我啊?吾係因為真係鐘意我咩?」我開始語無倫次。

「吾係啊，嗰枝花真係淨係想多謝下你咋喎!」

「咁......咁姐係由頭到尾到係我誤會?」我開始失控。

「對吾住，由頭到尾我只係當你係朋友。」佢好冷靜咁講。

點解你嗰時可以咁冷靜?

佢見我好似失哂控咁，就好似可憐我咁安慰下我。

「放心啦，你咁好人，一定大把女鐘意你。」她以半講笑的語氣跟我說。

其實這只是客氣說話，而我竟相信她而繼續當好人，而且還相信了五年。

很天真吧?

再看看那鞦韆，那對情侶已經不在，只有公園管理員催促我離開。

今晚沒有月光，雲海很寂寞，與我一樣。