是咁的，派過好人卡比我嘅女神，話想我做佢條仔: 第三章:我們在咖啡室見面了

第三章:我們在咖啡室見面了
第二天，我在大學宿舍。

太陽依舊升起，生活依舊這樣過，即使表白被拒絕也沒有甚麼了不起。

就算無女又如何，生活依然可以很精彩，很充實。反而有女的話，又要常常應酬她，討好她，有時還會被她罵。

所以，結論是無女比有女好，毒撚一個更開心。

但我好快否定左我依個想法。



房門打開，我個roommate入左黎。

「依家先翻黎嘅?」我問。

「係啊，我啱啱先同條女食完早餐咋嘛！」他回答。

我個roommate叫黎石揚，英文名Poseidon，姐係海神嘅意思。佢係我中學同學，吾同班，但係我嘅best friend之一。

我同佢最吾投契嘅地方就係一個係毒撚，一個係男神。簡單黎講，一個無女，一個有女。



佢同佢女朋友拍左差吾多兩年拖，喺大學算係幾耐下。佢女朋友叫呂樂瑤，外號女殺手，又係我嘅中學同學，不過係同班同學，事實上佢地可以一齊吾多吾少都同我有點關係。

「佢呢，好麻煩囉！」Poseidon假裝埋怨咁，「明明話左食吉野家架嘛，又無端端去左食M記都有嘅，真係好任性囉！」

我就黎被人閃死。

但係個人認為海神同女殺手依個稱號真係好鬼死夾。

「你地尋晚一定玩得好開心啦!」我說。



「係鬼，都係你搞到我無得去玩啊!」佢鬧我。

「吓，關我咩事?」我聽到一頭霧水。

「你講笑咋嘛，你真係吾記得咩?」

我搖頭，事實上我嘅記憶最後只係停留喺尋晚公園個看更催我走，之後我連搭咩車翻宿舍都吾記得。

「被李頌欣派好人卡啊?之後借酒消愁?」佢故作偵探咁問。

「挑，你咪亂咁估啦，」我繼續說，「但係你又會估中咁鬼抵死都有嘅!」

「吾係架，吾係架，我吾想咁抵死架!」佢以半講笑嘅語氣講，「係你尋晚迫我聽架咋!」



「究竟我尋晚做左咩野啊?」我帶着半分驚恐地問。

「哦，無咩野嘅，只不過你尋晚喺條走廊度喺咁嗌『點解你要派好人卡比我』，驚死全世界吾知咁，之後就冧低左囉！」佢繼續說，「你知吾知我幾辛苦先拉到你翻房架，搞到我無得同條女去......」

「咪住先，你話你拉我入房，咁姐係你嗰時都在場啦，咁點解你吾阻止我，搞到我咁鬼死柒。」我鬧佢。

「咁嗰時你失哂控咁啊嘛，我點樣阻止你姐。」佢反駁。

「唉，總之今次真係柒到盡頭便是型啦！」我嘆氣，「睇黎我今日都係留喺房度玩捉迷藏算喇!」

但係個天就同我作對，電話響起。

電話:「黎生，你係吾係翻工架，十分鐘後吾出現就收皮啦!」

仆街，無記得左今日要去Cafe翻part time添。



我立即以九秒九嘅速度執好野衝出房間。

途中有不少同學(障礙物)「恭喜」我又收好人卡，但係好彩嗰間Cafe離大學好近，所以我好遵守交通規則咁一連衝左幾個紅燈之後終於趕得切。

係喎，吾記得左講我去打工嗰間叫Water Cafe，記性好嘅人應該記得，Water Cafe就係我前一晚話街角嗰間麻麻地嘅Cafe。

「下次再咁遲嘅，以後都吾使翻!」

說話的是女店長，三十歲尾，都保養得幾好。

「真係好對吾住，無下次，以後一定會準時，吾好意思!」

我仲鞠埋躬，因為我吾保住份工，真係無錢洗。



「唉，算啦，你都吾係最遲嗰個架喇。」女店長歎氣。

「吓，仲有人遲過我?」

「係啊，依個女仔永遠都遲到架。」

就好似錢嬉雅咁，永遠翻學都遲到。

點解我會諗起佢?

「不過呢，鬼叫佢沖嘅咖啡客人鐘意咩，而且咩野咖啡都沖得到。」女店長繼續說。

「就好似『等一個人咖啡』嘅阿不思咁?」我忍吾住問。

「係啊，佢連『華山論劍之黯然銷魂』特調咖啡都沖得到架。」女店長補充，「不過佢係吾係拉子就吾知喇!」



我笑左出黎，估吾到女店長都幾幽默。

除了我之外，還有一個做沙律和蛋糕嘅甜品師。

「我叫Henry，多多指教。」甜品師冷冷地說。

「請多多指教。」

我伸手出去，但佢無握手嘅意思。

好冷漠的人。

依個時候，門打開了。

迎接我們的並不是第一個客人，而是她。

「哦，你終於黎喇，比我想像中早添!」女店長開玩笑地說。

「我明明講左今朝要陪阿媽覆診架嘛，當然會遲點先翻到工架啦！」她反駁。

這時我從廚房出來，見到她，呆了。

「入黎啦，介紹你識我地嘅新成員，依個係......」女店長介紹。

「依個係黎進廷，英文名Justin，我地認識架。」她有點尷尬地說。

「係啊，我地認識架，而且琴晚先見完。」

佢就係李頌欣。