是咁的，派過好人卡比我嘅女神，話想我做佢條仔: 第五章:你可否當我男朋友?

第五章:你可否當我男朋友?
「吓，我都無約佢，點解錢嬉雅佢自己會黎左架?」我問黎石揚。

「無啊，因為今日係四月一日囉，愚人節快樂!」

「頂你，你吾好去死!」

仲等我有一刻真心期待同佢重遇添。

「做咩啊，你真係咁想見翻佢咩?」佢問。



「又吾係嘅，同學一場，咁耐無見想見下姐!」

「真係淨係咁咋咩?」佢以半引誘的語氣問，「你吾想知道點解佢嗰時要拒絕你咩?」

「吾想啊，都過左咁耐喇，就算我問，佢都吾會記得啦!」

「所以你真係問過?」

「無啊，講其他野啦!」我嘗試轉移話題。



「咁你今日翻工翻成點?有無女先?」佢問。

「有啊，你都識架。」

「邊個?吾會係錢嬉雅啊?」

「李頌欣啊!」

「吓，佢琴晚先拒絕你咋喎，你地吾覺得尷尬咩?」



「有咩好尷尬姐，佢都吾鐘意我，而且佢已經有仔架喇!」我帶半點悔氣地說。

「咁佢條仔係邊個?」佢問。

「你咪咁八掛啦!嗰個你吾識架，係咖啡室個甜品師黎架!」

「咁靚吾靚仔得過我先?」

「係吾係吾夠你靚仔我就有機會先?」我沒好氣地反問佢。

「咁又吾會，依個世界大把人吾夠我靚仔架啦，所以你都吾一定有機會架!」

「實係咁啦，哈哈哈!」



我走進宿舍，幸好今天是星期六，所以在黃昏時段大多人都外出玩樂，沒有人走來「恭喜」我收好人卡。

佢問:「其實你鐘意錢嬉雅多D定係李頌欣?」

「兩個都吾鐘意，依個答案你滿吾滿意?」

靜左一陣，佢又問:「你依家喺邊?」

「我依家喺宿舍走廊，就黎開門，做咩咁問?」

佢突然好認真咁問:「黎進廷，你可吾可以向天發誓，你以後都吾會鐘意錢嬉雅?」

跟着我吾知點解聽到電話另一邊傳來一陣爆笑聲。

「痴線，點解我要聽你講?」



「咁姐係仲好鐘意錢嬉雅啦!」

「緊係吾係啦!」

「咁仲吾發誓?吾夠膽啊?」

「發未發囉!」吾知點解會被佢慫恿左，我一邊開門，一邊發誓，「我黎進廷當天發誓，以後都吾會鐘意錢嬉雅，否則就天打電劈，腸穿......」

「得啦得啦，吾使發到咁毒，你望下你前面係邊個先啦!」

我抬頭一看，只見對着我目瞪口呆的錢嬉雅。

「好巴打，都係嗰句啦，愚人節快樂!」



接着他就掛了線。

這就是識錯了朋友的結果......

「 頭先嗰句係?」錢嬉雅有點尷尬地問。

「無，我頭先同黎石揚笑緊個遊戲，我輸左，所以被迫講姐。」

「哦，原來如此。」佢點了頭，「係呢，海神呢?吾係佢約我地一齊食飯架咩?」

「哦，佢吾得閒啊，佢約左佢條女啊。」

「咁佢條女係邊個?」她好像很關心地問。

「哦，你都識啊，咪仲係佢嘅初戀女殺手呂樂瑤囉!」



「初......初戀?」

「係啊，黎石揚咁靚仔都係A1架咋!」

「係囉，咁專一都有嘅!」她喃喃地說，「吾怪得你會問我點解啦......」

「咩野點解?」我不解地問。

「係呢，你肚吾肚餓?不如食飯?」她轉移話題。

於是，在她的推介下，我們去了一間氣氛不錯的西餐廳。

一間充滿回憶的西餐廳。

點了餐後，我問她:「點解你會黎依間西餐廳?」

「因為......你吾覺得依度充滿回憶咩?」

「有咩野回憶?」我明知故問。

「好似有種童年回憶咁，你吾記得左我地以前成日喺度食飯咩?」

當然記得，尤其是表白失敗前的那一晚。

整餐我都坐立不安，不斷想着表白的時機。幸好那時沒將話說出口，不至破壞我對這間餐廳的印象。

她現在又再提及，究竟想怎樣?

吃過飯後，我們在海濱散步。

沒錯，這就是那晚散步的海濱。與她走過這段路，就等於殘酷的回憶那段往事。

但她卻偏偏要把它勾起。

「係呢，你仲記吾記得有年聖誕，我地都係食完晚飯之後，喺度散步?」佢試探我。

「緊係記得，嗰年係中三，而且係平安夜，而吾係聖誕。」

「求其啦，總之都係嗰段時間啦!之後有個sales......」

「有個sales叫我買花比你，我話吾使，你就買左枝花送比我，話係多謝我陪左你玩成日，我仲記得枝花係十蚊。」我頓了一頓，問她:「其實你特登去嗰間西餐廳，又講左咁多以前嘅野，究竟想點?」

「我......」

她被我一連串的說話遭得語塞。

「琴晚喺電話，你仲未正面答我問題，點解嗰時要派我好人卡?」

「因為我嗰時有鐘意嘅人......」她細聲地說。

「咁你又成日同我吹水同出街，係咪想收我兵?」我說得愈來愈激動。

「仲有，點解你嗰時聽完我表白之後可以咁冷靜咁派好人卡比我，係咪覺得我好白痴?」

「對吾住。」佢好似有點想哭。

「算喇，都過左咁耐，當我無講過。」

過了一會兒，我倆都冷靜後，她緩緩地說:「其實我講左咁多野，都係想你一個問題......」

「你可吾可以做我男朋友?」