是咁的，派過好人卡比我嘅女神，話想我做佢條仔: 第六章:請給機會證明我不是好人

第六章:請給機會證明我不是好人
我呆了幾秒，一時反應不過來。

所以我終於成功了?多年來的暗戀終於無白費?

我嘴角漸漸翹起，開始落出一個沾沾自喜的樣子，張開口，準備答應這場天作之合的愛情，並向世上大喊「阿媽，我得左喇!」......

慢着，這句說話好似曾聽她說過一次，是在......

四月一日?



「愚人節快樂?」我有點疑惑地問她。

「如果我話吾係呢?」佢以引誘嘅話氣反問我。

「如果吾係，咁點解你會同一個差吾多成年都無見面、而且仲拒絕過表白嘅人表白呢?」我懶醒地反問她。

「咁你姐係做吾做我男朋友?」

她語氣帶點不耐煩不滿意，眼裹露出認真的眼神，似乎真心想向我表白。



「所以真係吾係愚人節快樂?」

我很興奮很高興，但慎防有詐，我還是再確認一次。

怎料我又自作聰明了。

「既然你堅持話係愚人節快樂，咁就算啦，講多無謂。」說罷，她憤怒地轉身離開。

她真的是認真的!我終於可以出pool了!



我立刻伸手捉着錢嬉雅的手臂，捉着那個能讓我擺脫A0、不用再收不斷循環再用的好人卡的機會，並對她表明我的想法。

「其實我都鐘意左你好耐，吾知你可吾可以做我女朋友?」我很興奮地問她。

怎料她回答:「吾得。」

我呆了。

幸好她立刻補了一句:「但我想你做我男朋友。」

我鬆了一氣，笑着說:「咁有咩分別姐?吾通我係你男朋友，但係你吾係我女朋友咩?」

「係啊，因為我想你做我Partime Boyfriend。」



「吓?!」

「姐係陪下條女行街食飯，喺約會嘅時候話好鐘意你，但係一過鐘就攞錢走人，完全對個客無真感情嘅職業。」她解釋。

「我聽日想去睇戲啊，你陪我好無?」她繼續說，「係喎，都未問你添，你一個鐘收幾多錢?」

前面的說話我嚇呆了，不懂反應，但聽到最後這句，卻忽然無名生火。

「我一個鐘收一千，沖涼五百，你仲想要咩服務?」
「我吾係講呢啲啊......」

「你吾係講呢啲，咁講邊啲?你問我價，吾係當我係鴨，咁你當我係咩?你明知我仲好鐘意你，但係你就咁樣對我，吾覺得有少少過份架咩?」

「對吾住，你真係好人黎架......」佢見我有點失控，連忙安慰說。



但我聽後更加失控，尤其聽到「好人」兩字。

「你地成日派好人卡比我，話我係好人，我吾知我係吾係啊，但係你地從來都無比過機會證明我吾係好人，從來都無機會比我做一次賤男。」

我越鬧越激動:「你地有無諗過，派好人卡比人就等於比一次假希望比我地，等我地以為，做好人就會有好結果，以為做好人就可以追到心目中的女神，但係原來呢啲全部都大話黎架，全部都係用黎氹幫死毒撚收皮，吾好煩撚住哂嘅公關技倆黎架!」

好人很少罵人激動得連自己也喘氣，但因實在太憤怒，我連再見也沒說就離開了。

我沒回頭看她的反應，不知道她是被我嚇呆了，還是內疚得哭了，我不知道，也不想知道。

說起來，她十居其九都是因為失戀，很寂寞，看到我這個仍然暗戀她的死毒撚，但又不想跟我拍拖，所以才叫我當Partime Boyfriend吧!

當我是水泡吧，不錯。

然而，最少水泡也有他的任務，也體驗過拍拖的滋味。



我呢?只是圍着女神身邊的一隻兵而已。

那究竟當好人還有甚麼好處?

做人快樂點，正面點?

別傻了，我那會說這種屁話。

再想想以前的經歷，我發現自己像兵。甚麼水兵、空降兵，我似乎也當過。

隨傳隨到的安慰女神，無人欣賞。

付出真心，專一的喑戀或明戀一個人，又無人喜歡。



那何不當一個賤男?

至少生活自由自在，又不會有失望，不會怕表白收好人卡。

回到宿舍，黎石揚不在，也許是怕給我揍吧!

我放下電話，躺在床上，回想着剛才與她的對話。

這次終於做到真正的輕鬆，真正的放下了她。

猶如放下心頭大石，解開多年的心結。

此時電話震了震，是錢嬉雅whatsapp我。

「對吾住，我頭先提出左個咁過份嘅要求，看在多年朋友嘅份上，請原諒我的無禮!為左贖罪，請比我請你去睇戲啊，吾係你頭先講嗰種，而是好朋友做錯事，求原諒嗰種啊!你去吾去?」

我笑了笑，拿起手機，想回覆她我去。

但字寫到一半，又停了。

對了，我不當好人，我要當個賤男。

要戒做好人，首先就要已讀不回。

把電話放下，Whatsapp對話出現的都是「為何已讀不回」、「是否生氣」、「對不起」，而訊息全都是靠左邊，而右邊則沒有出現過訊息，但偏偏卻是在線上。

一想起她被已讀不回時的窘態時，我本以為會是心涼，但沒想到竟是心酸。

難道我還沒完全放得低她?

電話響起，是錢嬉雅打來。

把綠色的電話標誌向右拉了一半，不敢放手，但又不敢拉去紅色的電話標誌去。

--------我究竟應否聽她電話?