廢柴小說: 第十五章

吳兆倫回北京前，約我去打保齡球，當然還是去他爸的店。

砰！吳兆倫打出一個大分瓶。

「唉～太耐冇打，生疏哂。」

「你幾點機呀？」

「四點半，所以淨係可以打一個鐘咋。」



「北京冇得你打咩？」

吳兆倫拿着 11磅球，瞄準。

「d朋友都唔打嘅，佢地鍾意飲酒去酒吧。」

「咁你d朋友係大陸人多定香港人多呀。」

「大陸人，我公司得兩個香港人咋嘛。」



球沒有補中，在兩個瓶子中間越過。
吳兆倫雙手抱著頭，嘆了一口氣，「喂，到你喇～」

我同樣拿起11磅球，走到賽道前，「北京係咪好多靚女？」

「多呀，多演員模特嘛，全國想做演員嘅女都跑到去北京，你話可以唔多咩。」

砰！我打了個全中！

「嘩～邊夠你玩呀….仲Keep得咁犀利。」吳兆倫又走去拿球，


「得閒嚟北京搵我玩吖，帶你去三里屯！痴撚線，d靚女多撚到呢，一街都係。仲要咩國家都有，好多鬼妹架！」

「點解多鬼妹嘅？」我問。

「好多都係模特嚟㗎，d身材正到呢…..！淨係腳呀！都夠玩成晚。」

吳兆倫又打出一個大分瓶，「乜撚野呀….咁黑仔嘅。」

「你而家女朋友係咩人話？」我問。

「重慶呀，重慶出名美女多呀。」

「咁阿嫂都唔錯嘅。」我說。




＝＝＝＝＝＝＝＝＝＝＝＝＝＝＝＝＝

之後阿倫非得要我送他去機場，說一個人去機場，會感覺好孤單。
他知道我不能坐的士，就叫了輛Uber車。

「我返嚟香港最唔慣就係乜嘢都要用現金，我係北京根本唔駛帶錢出街，
一部電話，支付寶微信搞掂哂，我係街邊同個阿婆買地瓜呀，都係用微信掃個二維碼比錢㗎。」

「地瓜？」

「番薯呀，仆街！」他說。

「你大陸化得好嚴重。」

「香港而家係創新科技呢方面真係落後好多，不過冇辦法，市場細，人地搞個送外賣app，就十三億受眾。」


阿倫繼續說。「而家大陸真係太多錢喇，我成日要去d咖啡店傾野㗎嘛，知唔知咖啡店最多咩人吖？」

「飲咖啡嘅人囉，仲有咩人。」

「飲咩咖啡吖，咖啡道具嚟咋，都係去傾生意㗎嘛。隔離枱就傾緊個五千萬嘅科投，
後面枱就講緊部投資一兩億嘅電視劇定電影，主演係范冰冰、鄧超之類。北京有個笑話，
話是但係一間漫咖啡，范冰冰個名一日會出現18次，黃曉明就出現16次，
屌！有冇咁多個范冰冰呀，可以同時接咁多戲。笑死人。」

「所以係吹水？」

「大部分啦，d大陸人最吹得㗎啦，明明自己個袋得一蚊就吹到有成舊水。知唔知呢d佢地叫咩呀，叫裝逼！」

「你下次幾時返嚟呀？」我問。



「未知呀，至少半年啦。」

「下次返嚟搵鄧月蓮一齊食飯吖。」

「再睇啦，咁耐冇見，驚到時唔知講咩會尷尬呀。」阿倫看著窗外，
車子已駛上青馬大橋，「唉….又要返北京吸霧霾喇。」

在進機場禁區前，阿倫最後問我破產令甚麼時候到期。

「大概仲有九個月。」我說。

他拍一拍我肩膀，「我等緊你翻身㗎，到時唔好再自暴自棄呀！我儲緊錢幫你買基金㗎，到時我做你復出後嘅第一個客人！」

我慫慫肩，不置可否。「快d上機啦，好多空姐等緊你㗎。」



「正衰仔嚟㗎！下次返嚟見啦。」阿倫說畢便走向禁區，沒走兩步他又回身向著我，
邊後退邊說：「喂～你叻仔嚟㗎！你比好多人都聰明，唔好嘥咗自己呀。bye bye啦！下次返嚟見！」

我對他笑了笑。看着他的身影漸漸遠去，然後淹混在人群中。

如果半年後阿倫能回來，我們還能再見一面，
不然的話，估計這是我們最後一次見面了。


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝


黑板上那兩行字，到底是誰人寫的呢？

「大陸仔吳兆倫戴綠帽，
鄧月蓮背住吳兆倫比人屌！」

雖然我很討厭吳兆倫，但是這種下三流的手段，我是不會用的。
雖然為了報復吳兆倫，我欺騙了鄧月蓮的感情，甚至強行與她發生了關係。
但這些都是指向個人，而現在大字報的行為，
就像是一次公開的行刑，是一種公開的羞辱行為。

班裡三十多個同學都在大聲議論，他們都等著吳兆倫回來笑話他。
我走到屎忽衡的座位前，打算質問他。

「係唔係你做㗎？！」

「唔係呀...邊有可能….我邊可能夠膽咁樣做喎….」

我沒說話，一臉質疑的看著他，。

他又說：「其實佢咁多仇家，比人整都唔出奇吖….睇嚟今次佢慘喇….」


這時，吳兆倫走進課室，𣊬間整個課室都安靜下來，
從一秒前的熱烈討論，變成竊竊私語，氣氛頓時變得奇怪。

吳兆倫也感到異樣的氛圍，但還沒發現黑板上的字，他繼續走向座位，
吳兆倫所到之處，旁邊的人都投來異樣的眼光，吳兆倫極為不爽，向他們說「望你老母呀！」，
坐在稍遠處的同學馬上掩著嘴巴，忍著笑聲…..

吳兆倫一臉生氣的坐下…..到他放好書包，
一抬頭，終於看見了黑板上的大字，他一臉錯愕，整個身子都靜止了。
班上的同學有些開始忍不住，發出零星的笑聲，但充斥著更多的是嘲笑……..

吳兆倫衝到黑板前，拿起粉擦，用力地將每一個字擦掉。

擦乾淨後，他將粉擦用力地擲到地上，
他轉身向著班上的所有同學說，「如果比我知道係邊個做嘅！我一定打死個仆街！」

沒用了….即使吳兆倫表現得自己有多憤怒，一切都不管用了。
班上的同學不再害怕吳兆倫，只當他是一個笑話，都在竊笑他……..
吳兆倫不能再成為惡霸，他要倒下了…...

另一個我擔心的人，是鄧月蓮……..

我發了個短訊給她，要她小息的時候第一時間到學校天台。

當我將黑板的事情告訴她後，她顯得心煩意亂，只是不斷地說為什麼會這樣。
嗯，我有點擔心她會承受不了。因為只要小息一過，
整個消息就會傳遍開去，整個班級的人都會知道。

以前...不...現在還算是吧，她是吳兆倫的女朋友，
每個人都會因為吳兆倫而忌她三分，但現在吳兆倫已經變成一個笑話，
之前討厭吳兆倫的其他壞學生，一定會藉此機會要他永不翻身，
甚至會製造更多不知真假的消息，去打沉吳兆倫，要他一直被嘲笑下去。

而這樣，鄧月蓮就會失去吳兆倫這個靠山，
她也會被別人譏諷恥笑，說是甚麼淫娃蕩婦之類的。
鄧月蓮算是個好學生，她一定沒能力反抗。
不能這樣，她會承受不了的。
此時，我猛然想起個事情，
事情發生到現在，吳兆倫有沒有聯繫過她…..

她說：「冇呀….吳兆倫仲未搵過我，短訊都冇send過….」

「嗯，佢之後一定會問你….關於戴綠帽嘅事….」

「唉….好煩呀….點算呀…..」

「一定唔可以比佢知道我地一齊嘅事…..你就話琴晚我約過你出嚟….
約左係你屋企樓下見面，然後佢可能就會認為係琴晚有人見到我地兩個一齊，
以為我地有路…..嗯，冇錯，就咁樣講…...」

「咁如果佢問琴晚我地傾過d咩呢？」

「咁你就講話...我想你做我女朋友。」

「嗯….好啦….咁我 ….咁我琴晚應承左你?」她說。

「係！你話你應承左我！由而家開始...唔係！由琴晚開始，你就係我女朋友！」

那刻，我確實有種一定要保護鄧月蓮的感覺，
她內心是那麼柔弱的女生，像一踫就會碎裂似的，
應該由那刻開始，我第一次發現我喜歡了鄧月蓮。

我抱著她，感到她整個身子都是軟軟的，我希望可以給到她力量。

＝＝＝＝＝＝＝＝ 待續 ＝＝＝＝＝＝＝＝＝＝＝＝

我係用三流文字 寫一流故事 有時仆街 有時內涵 嘅小野君。
個名就係咁柒長！短無可短喇喂大佬～～


FB： https://www.facebook.com/pakkinworld

**************************