陌生朋友: 因為你，我連眼睛都笑著

「和你聊天，雖然痛苦，但也是我最幸福的時光。」
 
 
-------------------------------------------------------------------------------------
 
張驀說，他和那女孩是在通識課被編排到同一組時認識的。他幸福地苦笑著，幽幽地回想起遙遠但清晰的初見⋯⋯
 
「我記得佢果日著粉紅色Tshirt，同埋好似係牛仔短褲，比我第一個感覺係好陽光，好活潑⋯⋯明明上堂好悶，但係望住佢笑我又好自然噤跟住佢笑⋯⋯哈哈，我⋯⋯都唔知點解。其實我地果陣冇太多野講，但有樣幾深刻既事，就係果陣岩岩開學，我地都唔係好識路，噤岩發現大家下一堂要去同一個地方，所以一齊去搵，但盪失左路，哈哈，結果一齊遲到。唔知點解我好記得呢件事，但好似好無聊噤⋯⋯」
 
「都唔無聊既，噤始終係第一印象，係會深刻d。」我回答。


 
「嗯，但之後我都冇刻意約佢，因為⋯⋯佢好似陽光，佢既性格好耀眼，我唔知自己係唔係唔夠膽，定潛意識覺得自己比起佢太唔活潑⋯⋯但總之我地keep住係好普通既朋友關係。直到有次交功課要去field trip，我地終於熟左少少。我地去左睇螢火蟲，果晚係我好開心既一晚，因為好似係只係得我同佢睇，呢份係我同佢既共同回憶⋯⋯佢好多野講，成個人都好開心，有種令人開心既正能量⋯⋯我地既笑點原來幾似，大家都會因為一樣野而同時笑出尼⋯⋯好白痴呀可？其實我知都唔係咩好值得強調既共通點。」
 
「都唔係既。」我不想打破張驀在回憶裏的沉醉，因為此刻的他笑得很開心，連眼睛都笑著。
 
「跟住我地開始係whatsapp傾計，愈來愈多話題傾。佢同我分享好多佢既生活，雖然都係d小事，但我好開心知道佢既野，好似我都成為左佢生活既一部分，哈哈⋯⋯我都係主要聽佢講野多，因為我淨係想望住佢聽佢講，反正我都冇太多野可以分享比佢聽。」
 
張驀突然靜下來，我想，他可能在等我回應一兩句。
 
「我在聽，你說吧。」


 
隔了一會，他繼續講述，我也有心理準備這是個很長很長的故事。
 
「我同佢傾左大約兩個星期，之後就冇再聯絡⋯⋯」
 
咦？事情發展得那樣快？
 
「因為原來佢有男朋友。」
 
天亮了，晨光漸漸從外面透進來。我才發現，他在微笑的同時，一直在流淚。