是咁的，我嘅職業係ptbf: 180.香水

阿純講完就拎埋個手袋，行去大門旁邊嘅浴室

「係喇。」佢喺手袋摷咗兩摷，拎咗兩支香水出嚟，分別噴喺左右手腕

「你鍾意邊隻味多啲呀？」

兩隻都係熟女先會用嘅味道，優雅嘅香水可以令一個女人嘅氣質昇華

但對我嚟講，兩隻味都太濃

「我鍾意你本身嘅味，你沖完涼就已經夠哂香。」

「唓，都唔知係唔係嘅。咁我沖涼喇，唔準偷睇架！」

雖然時鐘酒店啲浴室無得上鎖，但偷鬼偷馬咩，一陣咪又係比我睇哂

阿純就咁入咗浴室，好快，就傳出花灑嘅沙沙聲