我訓喺床度,見無咩做,就拎手機出嚟

有人搵我,係阿螢

「今晚如果得閒,陪我丫。」

我唔知佢所講嘅「陪佢」係以ptbf嘅身分定還是係另一隻陪

始終佢寫過紙仔話會令我變成真,我都唔知佢想我係真定係假



其實要解決我同阿螢之間嘅問題好簡單,只要真實嗰方嘅自己鍾意佢咁就無哂問題

不過我清楚空無一物嘅內心,仍然會浮現咩人嘅面孔,而嗰個唔係阿螢

我愛的人不愛我,愛我的人我不愛

我對住手機,自言自語咁問「在線上」嘅阿螢:「我點先可以愛上你?」

而收唔到訊息嘅阿螢,自然無辦法回答



但嗰一瞬間,我見到佢由「在線上」變成「輸入中⋯⋯」

收到佢嘅wtsapp之後,我笑咗一下

「你不必愛我,我愛你就夠。」