是咁的，我嘅職業係ptbf: 187.就算你殺咗人

如果只係純粹嘅為殺而殺，玩樂殺人，咁我就真係無得救

但既然阿純嘅行動背後有一段傷痛，咁我仲有啲希望

「你真係好特別，到而家仲咁冷靜。我真係愈嚟愈想要你死。」

冷條屁呀！我就嚟瀨尿喇！

一步、一步



連李星咁大份都比佢傷到咁，唔駛問都知硬碰硬我又係死梗

「殺人，唔辛苦咩？」

「只要係殺你地啲賤人，就唔辛苦！」

係，我地ptgbf係賤人

但我真係希望，你可以比我地依種賤人，拯救一次



就好似半年前嘅我咁

「阿純，我係你男朋友。」死就死，如果最後我依個方法唔得，咁就代表一切都要完結

個天要我一命賠一命，唔比我以救人贖罪

但如果成功，話唔定我可以自保之餘，仲可以保護一堆跟住落嚟有機會成為阿純獵物嘅ptgbf

我企起身



「吓？所以呢？所以求我唔好殺你？因為你係我男朋友，所以我要放過你？」

我踏步上前，阿純高舉刀刃

把那受傷的靈魂，擁入懷裡

「就算你殺左人，我都愛你」