是咁的，我嘅職業係ptbf: 188.陪你見證

「你話⋯⋯咩話？」

刀刃仲未刺入我嘅背脊

「見到你逞強去擔任制裁者嘅角色，我好心痛。」

蝙蝠俠脫下了面具，也只是個會受傷的普通人罷了

「當全世界都當你係殺人犯咁追捕，我仍然會當你係我嘅女朋友咁摟實。」



阿純繼續沈默

有效，竟然真係有效！佢仲未插死我！

「殺人明明咁核突，你仲逼自己去做，辛苦哂喇。」

我繼續善用我把口，唯一嘅武器

「你會整乾花，係因為想將美麗凝結喺一瞬間。」



我雙手抱住阿純嘅力度，輕輕增加

「但我想，陪你見證所有花開花落。」