是咁的，我嘅職業係ptbf: 261.小朋友

第二日，我地約咗十點半喺皇室堡外面等

其實琴晚阿螢親戚已經送咗個細路上佢屋企

而佢已經計劃好哂今日嘅行程

至於成個行程係點，阿螢表示：「唔話你知啵～」

我去到皇室堡，樓下個廣場咁啱有嗰舊好醜樣嘅肥桃展覽，好似叫咩醜比頭？

點解個展覽無比人投訴影響巿容？

其中一塊印上肥桃嘅紙板旁邊，有個女仔蹲喺個小朋友隔離，摟住佢膊頭同佢一齊扮肥桃自拍

個男仔嘟起嘴影完相就擰過去咀咗阿螢塊面一啖