「哇你人仔細細就周圍錫女仔嘅?」

「姐姐靚丫嘛,好似媽咪咁。到你錫翻我喇~」

阿螢個樣笑到好似望住自己親生仔咁,然後就錫埋去

我用手掌擋住咗

「唔!你係邊位呀叔叔!做咩阻住我同姐姐錫錫呀?」



額頭爆出青筋,眼角抽搐

我一手抓住細路個頭

「你話邊個係叔叔呢豆丁?」

個豆丁向我死衝爛衝,對手不停亂揮想攻擊我,但係因為我隻手頂住佢額頭所以完全打我唔到

「我唔係豆丁呀我今年五歲架喇!快啲放開我呀大叔!」



青筋爆裂

「阿金,唔好呀——」阿螢都未嚟得及阻止,我就見個豆丁伸手入褲袋

「比你叫多次邊個係大叔呀吓!」

豆丁睇中我擘大口嗌「呀吓」嗰野,抽出手向我橫揮

「忍法!擦膠碎之術!」



一堆擦膠碎精準咁飛哂入我口

「你會奶野架⋯⋯」阿螢補上一句