是咁的，我嘅職業係ptbf: 276.我唔識答

我諗起喺facebook見過一段問小朋友，咩係愛情嘅片

「你覺得我愛唔愛阿螢？」

我諗五歲嘅牛仔應該理解到咩係愛，所以唔會唔知我問乜

牛仔毫無邪氣嘅大眼望住我，眨一眨

「我唔知喎。」



哼，我都唔知，所以先想依賴小朋友嘅直覺話個答案我知

「但係，阿螢姐姐就一定係愛你囉。」

小朋友嘅直覺，比大人準確

「因為我一直望住阿螢姐姐，佢成日久唔久就會望下你。仲有姐姐見到你就笑得好開心架喇，我無見過姐姐咁嘅樣架喎。阿螢姐姐今日成日喺度笑，乜你唔知咩？」

我伸手將牛仔拉過嚟，然後幫佢拉拉鍊



「出去喇我地。」

「乜你唔知咩？乜你唔知咩？乜你唔知咩？」

我唔識答