是咁的，我嘅職業係ptbf: 278.咁幾好丫

「牛仔呢？」阿螢坐喺我身邊，水柱撞落我地兩個身上，啪啪啪啪咁嘅聲

「騎緊龜。」我指向左邊，牛仔一跨上嗰隻浮起嘅膠龜又跣翻落去

「傻仔。」

我同阿螢一齊笑

佢雙手環抱我嘅右臂，軟綿綿嘅觸感由手臂表層衝上大腦



「話說我啱啱問牛仔，問佢覺得我愛唔愛你。」

「跟住呢？」

水柱停止落下

「佢話，淨係知你愛我，唔知道我愛唔愛你。」

阿螢摟住我手臂嘅力度增加



「咁幾好丫。」

「吓？」