是咁的，我嘅職業係ptbf: 279.回家了

「小朋友嘅直覺好準架。」

「我知丫，所以呢？有咩好？你知我想講咩架可？」

阿螢挨喺我膊頭，合埋眼

「佢嘅答案，係唔知道，唔係唔愛。」

只係咁，就滿足？



「即係我仲有機會。夠哂架喇。」

好傻

「點解你會鍾意我？你之前唔係話唔會再搵我喇咩？」

點解你會鍾意一個大話？點解渴求一對假嘅玻璃鞋？

阿螢無擘大眼，好似沉浸喺樂園入面嘅小公主



「我犯賤去睇相嗰晚，咪搵你陪我嘅？」

「嗯，然後呢？」

「第二朝早起身嘅時候，我第一個諗起嘅人變咗做你，真係好神奇。之前一直都係諗起阿潤，唔知點解嗰晚喊完之後，我每日起身都自自然然諗起你。」

阿螢撥一撥濕水嘅長髮

「嗰陣我就知自己，真係鍾意咗你。」



愛上你，也許是因爲你這個唯一的觀眾，對台上流淚的我說，回家了