是咁的，我嘅職業係ptbf: 305.剪斷紅線

「係真係忙定特登唔覆你自己心知肚明啦！」

「真係忙。」

由嬲，到真係感受到對方嘅冷淡而開始驚，驚到喊

「我只係估唔到原來你係咁。」

逼得太緊，推開最愛



「夜喇，訓啦。」

牛奶妹用被冚住自己，雙手㩒實把口，等自己嘅喊聲唔會驚動訓著嘅父母

點解你可以訓得著？而我就流淚失眠？

「分手啦，我頂你唔順。」

新鮮滾熱辣，只係大約個半鐘之前嘅分手宣布



阿潤親身剪斷二人之間嘅紅線，回頭離開，揮一揮衣袖，不帶走一片雲彩

只留低落淚嘅牛奶妹，呆望斷開嘅紅線，漸漸枯成灰黑色