是咁的，我嘅職業係ptbf: 306.傷口與痛

我將依件事講咗比阿文聽，佢話我地始終係外人，就算我嘅職業係ptbf，但出售嘅愛同真愛始終唔同

「你賣出去嘅愛，只可以止下痛。但止痛，唔代表傷口癒合。」

我問，咁點樣可以令人嘅傷口癒合

點樣可以好似奇奇咁，將另一個人拯救

「真係奇奇將你拯救？」阿文反問



「嗯？」

「傷口同痛雖然一齊出現，但係兩樣唔同嘅野嚟。傷口好翻就唔會痛，但唔會痛唔代表好翻，只要有麻醉藥同止痛藥，就會唔痛。」

我靜靜咁聽

「其實你知唔知，好多西藥嘅運作原理，其實只係抑制痛苦？」

流鼻水，藥會止鼻水



發燒，藥可以退燒

咳，藥會止咳

痛，藥會止痛

「ptgbf依種職業，如果好似你同奇奇咁做，對失戀嘅人嚟講就係最佳嘅止痛藥。」

阿文伸出食指，點一點我額頭：「不過藥只係輔助，其實最後打抵病菌嘅，係人類自己嘅身體。」