是咁的，我嘅職業係ptbf: 313.人唔係模型

「咁即係代表你從來無真心鍾意過高達。」

「真唔真心邊個定架？你定架？我扔爛佢無感覺，就代表我砌嘅時候唔係真心鍾意咩？」

「你有無諗過，人唔係模型，會傷心？」

「我點解要諗其他人傷唔傷心？我自己唔傷就得架啦。點講都好，我係佢地男朋友，而你唔係，我傷佢地都唔關你事。」

佢係真貨，我係假貨



佢伸出手：「要講嘅我已經講完，你話我做衰野嘅證據喺邊？」

「真係覺得自己無錯，點解咁緊張啲證據？你自己都承認咗自己做衰野啦下話？」

「我唔得閒同你口水戰，再唔交比我我就報警話你賣淫，反正我有大把黑警friend，邊個大劑啲你自己諗。」

我拎出一隻usb，阿潤見到想搶，我就收一收

「想點呀？」



「答多我幾個問題我自然會比你。」

「屌你真係好撚煩，就算你比我，我點知你私底下有無備份？」

「我有備份，你都有黑警，條件對等。」

我只係多管閒事，想搞清楚你係個咩人，阿螢同牛奶妹為咗咩人留眼淚

佢翻一翻白眼



「點解當初你會同阿螢仲有牛奶妹一齊？」