是咁的，我嘅職業係ptbf: 314.怒火

我搖動手中嘅usb，阿潤嘅視線一直喺我手上

奇怪，如果真係單純食女無數，又有咁自私嘅價值觀，就唔會覺得自己做錯事

咁點解咁在意我老吹嘅證據？

就算我有一大堆阿螢同牛奶妹嘅例子，阿潤都唔似會動搖

「拎嚟！」



「答我。」

一個自私嘅人，唯一動搖到佢嘅就只係侵害佢個人利益嘅行為

「再唔答，你同嗰個女仔做過嘅野，你知爆出嚟會有咩後果。」

阿潤滲出冷汗，眼袋輕度抽搐

估中咗，依條友應該係衰十一之類，總之係做過犯法行為



「好煩呀你！阿螢係貪佢樣靚想屌！屌厭咪分手咯！牛奶妹我以為佢做乜乜投資好有錢，點知仲窮過我！咁咪分手咯！」

我揪住阿潤嘅衫領扯佢埋嚟，枱上嘅餐具被掃落地，金屬撞擊地面嘅聲音令所有客人望住我地兩個