是咁的，我嘅職業係ptbf: 315.純粹嘅惡

「哇打交呀？」、「有花生。」、「拍片啦。」

「先生你冷靜啲。」我無視個落單仔，維持揪住阿潤嘅姿勢

我同自己講，要冷靜

萬事萬物都有原因

「你受過咩傷痛⋯⋯先變成咁？無論你傷幾多人都好，你都無辦法傷害到傷害你嗰個架！」



佢捉住我隻手：「唔好意思，我無比人傷過喎。」

阿潤嘅微笑令我諗起joker

純粹嘅惡

Someone just want to watch the world burns

有人只想看到世界燃燒



我終於醒覺，阿潤正正因為從來無受過傷，唔知咩叫痛，所以無辦法體會其他人嘅痛苦

「你明明⋯⋯有令人愛上你嘅能力⋯⋯明明有令人幸福嘅能力⋯⋯」

阿螢之所以咁傷心，係因為以前太開心

從來未試過愛上人嘅牛奶妹喺相入面幸福嘅甜笑

「明明係真嘅男朋友！但你偏偏要選擇令人痛苦！！！！」



我一拳打埋去，阿潤一手揸住我拳頭

「你只係隻鴨嚟咋！！！」