是咁的，我嘅職業係ptbf: 346.憎死你

老豆一路扛住我翻屋企，我不停掙扎到無力

「憎死你⋯⋯」

老豆嘆咗口氣：「我都唔係好鍾意你架咋死仔。」

我聽完又喊得更加大聲

老豆就一路喺途人嘅側目之下的咗我翻屋企

佢一入屋放低我，我就衝入房閂埋門

不過因為我以前反鎖過自己喺房，為咗救翻我出嚟而撬爛咗門鎖，所以我間房係無得再鎖門

我走上床縮埋一角，抱住膝頭係咁喊，已經分唔清到底係因為無得食餐蛋飯定老豆話唔鍾意我而喊

唔記得自己喊咗幾耐，無哂體力，好攰好攰，就不知不覺訓著咗