是咁的，我嘅職業係ptbf: 350.餐蛋飯

開大火燒紅隻鑊，然後直接落午餐肉，較翻中火慢慢煎，等佢自己出油

另一隻鑊就要落適量嘅油，咁煎太陽蛋嘅時候就可以令蛋面滑蛋底脆

可惜嘅係我喺火候控制上面做得唔係幾好，所以午餐肉煎唔到內嫩，太陽蛋嘅蛋白煎得比較老，蛋黃又有少少熟，令蛋汁不足

「激死。」仲諗住完美再現老豆以前整比我食嗰碗餐蛋飯，點知難度咁高

「整餐蛋飯呀？」



我嚇到彈起：「我屌想嚇死我呀？」原來老豆醒咗，仲企咗喺廚房門口望住我煮飯

「愈簡單嘅野就愈難整架。」