是咁的，我嘅職業係ptbf: 391.故事交錯

第二日，我沖涼梳洗完後，落到去屋企樓下間點心舖，有個女仔行入嚟，然後打電話

係一個金色短髮、眼大大、包包面、又矮又平胸，個樣有啲似大埔lulu嘅女仔

我電話響起，女仔見到，向我點一點頭就行過嚟坐低，應該就係miki

「哈哈，好耐無嚟依間點心舖。」

「你以前嚟過？」



「一兩次咁啦，我叫野食先你等等我。」眼前依個充滿活力嘅女仔，大概同「死亡」兩隻字扯唔上關係

唔講真係唔知，佢竟然幫人寫遺書