「冒險」「生存」《香城之夢》: 危險

呢一晚，我好早就訓左。
 
我以為自己會諗野諗好耐先訓得著，結果一撻上張床唔洗五分鐘我就已經訓著左。
 
可能呢D都係呢隻Game既setting啦。
 
第二日，我準時七點正起身。
 
同係現實個陣一樣，我一起身就即刻睇下自己個電話，發現有幾個msg，全部都係Elaine send黎。
 




嗯…？三點幾send過黎，係咪乜野重要事呢。
 
哦，都唔係咩重要事啫，只係約我幾點邊度等啫。
 
「喂阿哥~~食早餐啦！」
 
我：「哦，黎啦。」
 
正好肚餓，一於食左野先啦。
 




就算係呢度，仍然可以食到老母煮既野，味道仲要一樣。
 
不過係遊戲入面居然都品嚐到味道？究竟…
 
算啦諗得太多呢d無用既問題又有乜野意思，事實就已經放左係眼前。
 
與其再係度諗呢d，倒不如好好諗下其他重要既野，例如個位柔柔所指既「個一日」，同埋到底點解會揀中我地做玩家，仲有….
 
「嘩，又一單，警察幾時先拉到人架。」
 




唔？
 
「老母」一句說話即刻將我既注意力拉左去電視個度。
 
「將軍澳昨夜凌晨發生命案，一名二十一歲女子被發現倒臥於公園，救護員到場證實該女子已死亡。」
 
「該女子被發現身上有多處刀傷，警方列作謀殺案處理，但並未透露本案是否與這兩天分別於觀塘及油塘發生的兩宗命案是否有關。」
 
媽：「真係痴線，三日內有三宗謀殺案，你地呢排咪夜返呀知唔知。」
 
妹：「知道~~」
 
連環謀殺案…呢隻game都有呢d野啊…
 
不過如果NPC死左的話會唔會好似一般MMORPG咁隔一段時間就自動復活，定好似《LOG HORIZON》入面既大地人咁…




 
話時話，如果我地呢d玩家死左既話會點呢…
 
之前係柔柔說話入面得知已經有一個玩家死左，唔知個個玩家而家點呢…
 
「叮噹~~」
 
妹：「邊個咁早啊？」
 
阿妹一邊講一邊行去門口，而我就一於小理，繼續一邊飲橙汁一邊諗返之前既問題。
 
如果死左，會唔會就當我地Game Over，可以…
 
「哇！！」
 




又咩事呀今次…
 
妹：「阿哥！佢佢佢佢黎左呀！」
 
阿妹好激動咁由門口跑過黎我個度，仲猛咁係度搖我，好似見鬼咁。
 
我嘗試令佢冷靜落黎，我用一個好平靜既語氣問佢到底係邊個黎左咁把炮。
 
妹：「係！係！係！4A班個個葉傲雪呀！！」
 
我：「哦。」
 
「係佢！？」
 
屌，我一時之間都嚇親，點解佢會走上黎架，唔係約好左係樓下等架咩？




 
「叮噹叮噹~~」
 
媽：「哎，係識既就開門俾人先啦，要人地係出面等都有既你地。」
 
當我想阻止阿媽個陣，佢已經開左門。
 
正如阿妹講既咁，㩒鐘既人係Elaine。
 
佢殺氣騰騰咁望住我地，好似我地殺左佢全家咁。
 
啊，佢無再著到尋晚咁誇張，今日好似普通女仔咁。
 
我：「eh…早晨。」
 




Elaine：「你知唔知而家幾點？」
 
我：「啊…差唔多九點囉？」
 
Elaine：「咁我地約幾點？」
 
啊仆街了，佢約我八點半，我掛住諗野無左回事添。
 
我：「唔好意思，咁我而家就去換衫。」
 
我一邊講一邊起身，準備走去房換衫。
 
不過當我行去一半既時候，有一件我預計到，但又唔想佢發生既事發生左。
 
媽：「咦阿妹你同我地浩賢係乜關係呀？」
 
唉…
 
Elaine：「男女朋友。」
 
呢四個字，佢好平靜咁講出黎。
 
唔只係我老母同我阿妹，就連我自己，聽到佢咁講都嚇左一大跳。
 
我阿妹直頭尖叫左出黎，在場既四個人，唯獨佢一個好冷靜咁企左係度望住我地。
 
Elaine：「仲企係度？快d去換衫啦。」
 
我：「喂你…」
 
媽：「岩呀岩呀，衰仔你快d去換衫啦，唔好要人地等你呀。」
 
我：「唔係吖阿媽，佢…」
 
我句野只係講左一半，最重要個part都未講到就已經比我阿妹半推半撞咁推左我入房，佢仲要即刻閂門，鎖住我自己一個係自己房。
 
唉屌…咁比佢搞一搞，一陣返到黎肯定比佢兩個煩死。
 
我好快咁換好衫，出到黎已經見到佢地三個傾到笑呵呵咁。
 
唉。
 
之後我地就出左去，出門口個陣阿媽仲笑到四萬咁口黎送門。
 
我地直接行去地鐵站，準備去旺角搵下任務，跟之前講好既咁，希望可以係去搵個個「Stephen」之前升到去Level 3。
 
係行去地鐵站既途中，大家都無交流，佢只顧住玩佢部電話，而我就尷尷尬尬咁係側面望住佢。
 
為左打破呢份尷尬，我決定開口。
 
我：「你又會知道我住幾樓幾室既？」
 
Elaine：「而家應該唔係講呢d既時候。」
 
「最近呢三日發生既謀殺案，你覺得係咩事？」
 
唔知點解，聽完佢咁講之後我有一種唔好既預感。
 
我覺得，做呢幾件事既唔係NPC。