妖氣報告SEASON 1 (實體書已登陸各大書局): 角色特別專訪 5 破壞神憑依者
角色特別專訪 5 破壞神憑依者
首先要講聲抱歉，阿壹既專訪咁耐先完成，關於神使既問題其實有好多都解答過，但就當整理下⋯⋯有請無手但係公會負責洗碗既，阿壹。
阿壹「你是在歧視傷殘人士嗎？」
作者「嚴格黎講⋯⋯我係無當你地神使係傷殘人士既，首先你地係自殘，以犧牲血肉去換取更加同步率，拿我補充一點，e種方法係捷徑，通常係d遇到樽頸位，個人又無咩進步，但又想威威先用既方法。」
阿壹「要和神明達到高同步率，憑依者必須和神明理念相通，得到神明認同，而當神使遇到難以突破的關口，犧牲血肉以表示對神明的虔誠，是另一種方法。」
作者「其實捨棄血肉去向神明表示虔誠，一諗都覺得好變態⋯⋯擺明係要欺壓你，要高高在上，要自我感覺良好。
神明，妖魔，係人界爆發大戰，戰爭結束後，神魔兩族各自設立屏障。
妖魔造到可以通往人界既小型傳送門突破神明所造既屏障，而神明造唔到傳送門，只能將神力借俾人類，以神使e種存在去對付侵略人界既妖魔⋯⋯目的並唔係保護人類，而係為免人界落入妖魔手中，擴大勢力。」
阿壹「由始至終，神明也不是為慈悲，為正義而存在。」
作者「無錯，有d讀者對神明同神使成日搞亂，神同魔既戰爭，係平手收場，所以神同魔其實實力相約，而借用神力既神使，如果你只能達到八成同步，咁你發揮到既，就自然弱過神明自身。」
阿壹「嗯，而且憑依者寄宿的神明越強，神使便越強，破壞神濕婆是三大印度主神之一，所以在相同的同步率下，我的神力會強過作為北方天王的毘沙門天。」
作者「當然要睇埋實戰經驗啦，而一個神明，只能寄宿一個人類，但一個人類，係有機會被多於一個神明選中。
講開濕婆，俾邊個神明寄宿係無得選擇，當你知道自己係濕婆憑依者時你有咩諗法呢？有無想如果係第二個神明寄宿你就好呢？」
阿壹「我能達成神力顯現，是因為阿若⋯⋯白翼害死了她，變成吸血鬼的她被嗜血的咀咒束縛⋯⋯我很憤怒，我無法接受自己用這雙手殺死了我心愛的人，更無法放下對白翼的仇恨，和對阿零感染阿若的憎恨⋯⋯憤怒的破壞神對我來說，是最好不過的選擇。」
作者「喂⋯⋯又講開阿零，你對阿零又點睇呢？讀者認為能成為密友大概總帶著愛，但做對好兄弟又如此相愛旁人會說不該。」
阿壹「神明顯現！三叉神戟！」
作者「對唔住大佬！收埋d手仔好無？」
阿壹「我和阿零勢不兩立！待幹掉白翼後！下一個便是阿零！如果他沒有咬下去！阿若就不會這麼痛苦！不會為控制不住吸血殺人而淌淚！不會找我尋求解脫！」
作者「咁你又唔好淨係諗住自己⋯⋯阿零咁做，都係為左阿若，為左個愛字姐⋯⋯」
阿壹「你認為經歷過這種事，我們還能談這個愛字嗎？我能再當阿零是摯友嗎？因為他⋯⋯我失去了愛情，也失去了友情！」
作者「你收番埋第三隻眼先⋯⋯你咁樣望住我我好不安架⋯⋯換個輕鬆d既話題⋯⋯有唔少讀者對你既私生活好有興趣⋯⋯無手既你⋯⋯係點打⋯⋯飛機架呢？」
阿壹「要我幫你嗎？用破壞神的手。」
作者「客氣啦⋯⋯ed嘢我唔假手於人⋯⋯或神架⋯⋯下一條，你有無⋯⋯洗攔個公會d碗碟呢？」
（阿壹沈默了半晌。）
阿壹「有⋯⋯神力之手具有破壞力，要控制神力強度去洗碗，是對控制神力的一種訓練，或者法師四月⋯⋯安排我留在公會洗碗是有這種目的。」
作者「我個人認為你諗多左，但神力之手咁危險⋯⋯用黎打飛⋯⋯得！我唔問！你收番埋把又長又尖既戟先⋯⋯最後一條，關於神力解放，當同步率達到一百，神使會唔會失去意識，被神明操縱？」
阿壹「不會，這狀態被稱為神解，能達到這境界的神使⋯⋯歷史上也無多少個，神明是無法操縱我們的，我們是人類，而寄宿的神明只是一種力量，我們的意識是不會被奪去的。」
作者「你同阿零真係無嘢？真係無非份之想？無當人地係飛機杯？你係咪暗戀鋼鐵人既美國隊腸？仲有無掛住寒冬戰士？」
阿壹「你⋯⋯想見識一下憤怒的破壞神到底有多可怕嗎？」
作者「我去拎便當先～」
咳⋯⋯妖氣報告已經接近尾聲啦，今次既專訪同樣係今連載既最後一個，一眾主角，仲有好多角色既專訪都未有時間同機會造，長達90篇既妖氣報告第一部，將於本週日結束。
今次故事既長度，其實接近過去既一倍，而妖氣報告，構思中係有四，甚至五部，以白翼為核心既佔頭兩部，以百日戰爭為背景既係前傳第三部，以埃及神為主線既係第四部，以諸神黃昏為命既係第五部，甚至撻坦十二魔柱，中國大妖蚩尤同四大彊屍，都係值得去做既後續。
但妖氣報告來到這裡，也要暫告一段落啦，妖氣報告以超速駕駛既狀態去到第七個post，其實都突破左過去既紀錄（咁長既文量其實連載多左幾個post都好合理），雖然正評同like並不算多，不過願意留言既讀者都好投入，再一次多謝大家精彩既留言，令連載生色不少。
e個中二病輕小說既題材，係我既一種任性，過去我鍾意畫公仔，但我支筆太弱，文字係我較有信心既一環⋯⋯成功與否，去到現在我覺得無所謂啦，有睇既人我覺得係會喜歡這故事，對這故事我亦十分滿意。
感激這5月和我一同中二的每位，今日三更，三半，六半，九半，明日一樣，然後⋯⋯下次連載⋯⋯我地再玩過！