第二朝, 一個陽光普照嘅早上, 坤叔正響屋外伸緊懶腰之際, 突然, 屋外走入一大棚人入嚟, 為首嘅居然會係孫碧蓮, 而跟住入嚟嘅就仲有呢套劇嘅其他演員同記者。

一面慈祥嘅孫碧蓮正同坤叔講 : 「坤叔, 套劇已經停咗嘞, 個編劇文迪話已經無貨賣, 所以套劇就唯有到此為止嘞。」

坤叔聽完之後, 跟住攞咗個鑼出嚟係咁大力叩住咁嗌, 「喂, 收工嘞, 收工嘞。」

好快地, 眾人已經全部走晒出嚟, 而奇哥見倒祥貴就行埋佢身邊度講 : 「呀貴你就好啦, 尋晚臨尾都仲比你同呀玉整番場床戲, 不過好彩係啲借位嘢嚟啫, 不過以新人嚟講, 呀玉佢都算係正嘅….」

此時祥貴同呀玉都面帶有難色。





奇哥望住佢哋兩個皺住眉頭嚟話 : 「你哋…唔好話我知…尋晚場戲…會係真做吖嗎?」

呀玉此時面上已經一面嬌羞兼紅粉飛飛咁, 而四大惡人呢個時候正拎住個鈴鈴走嚟同奇哥講 : 「喂奇哥, 果場戲真係好玩呀, 不如我哋而家再玩多一次咯。」

奇哥已經好唔開心咁推開個鈴鈴就行咗開去, 呀弟 ar 晒頭咁問祥貴咩嘢事, 但遠處就見沅君已經換番一身短裙黑絲咁比記者影緊相。

奇哥見到沅君原來係咁索, 跟住又再準備上前借啲意咁想咸濕一吓沅君先。







但突然, 門外大哥大大大已經嚟到, 大哥大大大一手就搭住沅君同呀玉個膊頭就同班記者講 : 「下套新戲, 我將會力捧沅君同呀玉佢哋兩個做女主角。」

跟住大哥大大大就響沅君同呀玉嘅面珠登度錫咗一啖, 而奇哥見到咁, 又再好無癮咁行咗開去第二度。

大哥大大大正拍住手咁大嗌, 「好嘞好嘞, 全世界麻煩都過一過嚟呢便先。」

大哥大大大開始再講 : 「套戲拍咗咁耐, 啲點擊率都只係得果百零, 呢舖真係蝕到我仆街, 但文迪個撚樣居然仲話無貨賣爛尾, 個仆街仔我遲早就搵人揼柒佢, 好嘞, 一陣全世界都跟我去大排檔打冷, 但我莫財呀,要 AA 制呀, 但邊個敢話唔去嘅, 咁我就寫包單佢以後都唔使旨意再有得撈。」

呢個時候, 音樂響一片嘈雜聲下響起, 跟住眾人就一齊大合唱。





「齊歡暢, 登櫈鄧櫈鄧…..」