點解當初好挽唔挽要同女神挽同居: 第七章 新開始

我忐忑不安咁走去門前面開門，映入我眼簾既系一位身穿睡衣同埋拖住個喼既少女。
「你......點解會系度架。」我一時接受唔到連講嘢都講唔清楚。
「咁....咁系你話大冒險要照做架嘛，咁我咪上黎咯。」佢塊面依家仲紅過蘋果。
「好啦好啦....你唔介意我屋企污糟既話就入黎啦。」佢行李都攞埋過黎，我無得唔比佢入去。
佢入左黎之後唔知點解我尷尬症發作,乜嘢都唔夠膽講，搞到dead air。
過左一陣之後，我決定打破呢個尷尬既場面。
「喂，你肚唔肚餓吖？不如落去買個宵夜食？」我問佢。
「好阿好阿！我要食老麥！」一講到食佢就咁開心。
就系咁差唔多淩晨兩點個陣我地兩個落街買嘢食。
無幾耐我地就行到附近既M記，我買左個麥樂雞餐黎食，Amy就買左雞翼餐。


我地系入面求其揾左個位坐低食嘢，食下食下見到有一個熟悉既人打開麥記道門，視線仲要望埋過黎。
「唉，今po大鑊。」無錯，個個人就系阿輝。
我已經放棄左走老既念頭，直接行去門口拉左阿輝去隔黎到講兩句。
「哇半夜三更諗住落黎買宵夜一陣間睇波估唔到比我見到個太陽系度。」阿輝系度陰陰嘴笑。
「唔系阿，我地無嘢架，你咪亂諗。」今次實死無生。
「得啦得啦一場兄弟，當然系支持你架啦，追到人記得多謝我啦，我返去睇波lu~」佢又系一瞬間消失左。
我行返埋位繼續食我既嘢，我發現我臺面既麥樂雞得返兩件。
「我啲麥樂雞呢？」我望住Amy，因為唔使問阿貴一定系佢食左。
「咁我肚餓啊嘛，你又唔知行左去同邊個講野。」見到佢咁真系好難忍心罵佢，所以我又出手彈左佢額頭。
「好痛吖！」佢又想用九陰白骨爪去搣返我，我點會比佢咁做。


「邊個叫你食我啲麥樂雞姐，依家只系比你懲罰你。」我笑笑口咁同佢講。
就系咁樣我地挽黎挽去搞到差唔多三點。
「喂三點啦！聽日仲要返學架，快啲返去訓啦。」我同Amy講。
「哇咁夜架啦，咁快啲返去啦。」佢講。


返到屋企之後我唔記得諗一個問題，就系Amy訓邊到好，最後我決定比佢去我阿爸阿媽間房訓，橫掂佢地出外國有排先返。
「你訓住我阿爸阿媽間房先啦，入面啲嘢唔好亂搞就ok。」我同Amy講。
「但....但系我怕黑，我平時都同屋企人訓架wor....」佢細細聲咁講。
「咁.......一系你去我間房訓咯，最多我打地埔啦。」咁大個仔都未試過同老母之外既異性訓同一間房。


「唔使啦，我打地埔得架啦。」佢講。
「你女仔黎架嘛，我呢啲男士梗系要讓你先啦。」我唔想佢訓地下訓到咁辛苦。
跟住我就讓左張床比佢訓然後自己打地埔，之後就熄燈訓教。


系一個公園入面，有一個男仔跌親，自己系度喊。
「你無事啊嘛？」有一個女孩扶起個個跌親既男仔。
「隻...腳好...痛阿,,,」個男仔不停系度喊。
女孩系佢個袋仔入面攞左塊膠布出黎幫男仔癡系隻腳度。
「好啦好啦唔痛架啦，唔好喊啦。」女孩同個男仔講。
「多謝...你吖，你叫咩名？」個男仔問個女孩。
「我叫......」


「阿言！！起身啦！」一把聲叫醒左我。


「依家7點半啦！仲唔起身！」原來系Amy叫醒我。
「okok無問題！」我即刻彈起身換完衫洗臉就去返學。
「系呢Amy你系幾時去美國架？」我系返學既路上問佢。
「em.....應該系差唔多9歲既時候lu，我都無乜印象。」佢答。
「咁你系香港個陣有無同個一個男仔挽？」我問。
「無阿，我記得我細個個陣成日都要學嘢，都無乜時間挽。」睇黎夢入面個個女仔唔系Amy。
我地之後都好準時咁到左學校。


中意既記得follow我ig留意出文狀況！
ig name : batmit_yin