點解當初好挽唔挽要同女神挽同居: 第八章 騷擾

返到學校之後，我又系好似平時一樣去小食部個度買包魚蛋當早餐。
返到課室食完之後都差唔多打鐘，何sir都從門口入左課室。
「好啦今日我地有啲班務要處理，系關於今個星期日我會舉辦一個野餐活動，希望可以促進同學之間既關係，費用就我比啦，畢竟今次系第一次活動。」何sir一入黎就公佈左呢個消息。
「哇！多謝何sir!」「真系唔使錢架？？」「我地今次去邊吖？」班上面紛紛出現呢啲聲音。
「大家安靜啲先，啱啱我印左份通告比大家，依家兩位班長出黎幫手派。」何sir講。
我見到Amy系個位到已經訓着左，所以我就一嘢彈落去佢個額頭到。
「喂起身啦女班長！」我系佢隔黎叫佢。
「蛤！乜嘢事！」佢系個位到大叫跟住成班系度笑。
佢一面仇恨既樣望住我但系有無得罵我，個個樣真系好好笑。
之後我地就幫何sir派通告，我見到通告上面寫住星期日我地系去獅子山郊野公園，個日系自由活動同埋5點自己解散。


我無記錯既話個度既日落幾靚，會唔會系我既一個機會呢.......


上完兩堂IT之後就系小息，阿輝揾左我同啲隊友同埋阿怡去傾下遲啲既班籃應該點打。
應該好多人有疑問點解阿怡都有份，因為佢既存在就好似黑子的籃球入面既相田一樣，分析能力相當優秀。
「我地仲有個幾星期就比賽，不如約定幾個時間去練習？」阿輝講。
「無問題阿，不如就後日開始練習？」其中一個隊友阿朗講。
「我準備左好多練習比你地架，到時唔比偷懶。」阿怡系隔黎講。
小息差唔多完個陣阿輝拉左我一邊話有嘢同我講。
「喂阿言聽講呢排個高form越黎越多行動啦wor，記住睇好你個Amy。」阿輝講。


「佢又搞乜事？」我問。
「聽講佢呢排又諗住纏住Amy吖，你放學個陣最好同佢一齊行。」阿輝講。
「ok.....我會留意架啦。」我同佢講。


今日既堂話咁快就上完，轉眼間就去到放學既時間。
「阿言，今日我想食菜心炒牛肉吖，不如依家去街市買餸？」Amy問。
「好吖，等我執埋啲嘢先。」好彩今日咁啱要去街市買餸，睇黎又可以少單麻煩事。
我執完啲嘢之後就同Amy去屋企附近既街市買餸，行行下發現好似有啲唔妥。
「咦？Amy，呢個系你朋友吖？」原來個高form一直帶住幾個friend系後面跟住。


「做乜又跟住黎吖，我同你講得好清楚架啦。」Amy同個高form講。
個高form捉住Amy隻手，想拉佢去第二到咁款。
「喂！停手阿你！」我喝住個高form。
「你乜水阿，夠膽咁同我講嘢？」佢將個目標轉移去我個度。
「你以後唔好再煩住人啦！人地唔想理你！」我大聲喝佢。
「咁多嘢講啊嘛，做佢！」佢同佢隔黎班friend講。
佢地逼左我入街角準備打我一鑊。
「你地唔好打佢！你地夠膽打既話我要報警架啦！」Amy系隔黎講。
佢同佢班friend當場肴底放開左我。
「你好嘢！有Amy護住你，下次睇住阿。」講完之後就同班friend慢慢咁走左去。
「你無事吖嘛，有無受傷吖？」Amy走過黎扶起我。
仔細一睇原來我隻手擦傷左，系度流緊血。
「無乜嘢既，嗱嗱買完餸返去處理個傷口啦。」我同Amy講。




無幾耐之後我地就買完餸上返屋企，Amy系同樣既位置攞左塊膠布。
「你睇下你！人地咁多人仲咁大聲同人講野！」佢系度話我。
「人地咁樣抽你水wor，唔通我又眼白白咁睇啦wor。」我同佢講。
「得啦得啦，下次唔好咁啦。」其實Amy都系為左我好。
「好啦好啦，下次我就帶你走老ok？」我講。
「一早就應該咁做啦。」佢竟然用我平時用開既彈額頭彈我。
「你個死妹釘！夠膽彈我？」我當然即刻還手用我既彈指神功去彈返佢。
「好痛吖！死啦你！！」就系咁樣，我同Amy又打打鬧鬧左成晚。



中意既記得follow我ig留意我既出文狀況啦！！
ig name : batmit_yin