點解當初好挽唔挽要同女神挽同居: 第九章 禮物(上)

話咁快就到左星期日，系成班一齊出去旅行既日子。
我諗住早啲起身之後執好啲嘢食完個靚早餐之後再出發。
「喂！！起身啦呢位同學！！！」我系Amy隔黎大叫。
「啊！！！」佢嚇到彈左起身，我笑到系隔黎碌黎碌去。
「搞錯吖你！嚇死人咩！」佢不停咁用手打落我到。
「sor 咯，諗住叫你起身早啲執好曬啲嘢再去食早餐吖，最多一陣我請你啦。」我同佢講。
「真系架！咁等我一陣先！」一講到食佢就咁興奮。
我坐左系梳發上面挽左陣傳說對決，一局既時間都未完就見Amy換完衫系間房行出黎。
「哇你唔好再換得再快啲，閃電俠黎架？」我當堂O左嘴。
「系吖，你幾難得請我食嘢吖，梗系拿拿聲搞掂曬啲嘢出去啦~」佢眼中只有食同埋食。


「okok咁行啦。」我同佢講。
「出發！！！」佢直接無理到我衝左出門口。
我望住手攞住用色紙包住既音樂盒，今日一定要同Amy講出自己既心意。


兩日前。
「喂，阿言不如我地今晚出去食咯~」我見Amy攞左張宣傳單比我睇。
新麵館開張所有麵線類食物一律免費加底........
「em.....咁好啦，今晚就去呢度食啦。」佢眼中食大過天。
「好耶~咁依家快啲行啦！gogogo！」佢拉住我隻手直接行左出去。


路上一直見到好多男同學羨慕同嫉妒既眼神，我心入面系度暗爽。
出到去馬路之後，Amy仲不為意咁仲拖住我隻手。
「系啦小姐，你好似仲拖住我隻手wor.....」我細聲咁同佢講。
「系wor.....唔好意思」佢塊面再一次紅曬同埋慢慢放開隻手。


系行去麵館既路上，我地行緊個陣見到有一間精品店。
「阿言，不如去個度睇下~」我都無理由話唔好。
「好吖，去睇下咯。」我同佢講。
入到去之後，我見到Amy對住個音樂盒系度一個人發呆。


「你好中意呢個音樂盒咩？」我問佢。
「系吖，不過太貴啦，我睇下就算啦。」佢有啲失望咁講。
我睇下個個音樂盒既價錢。哇，差唔多系我半個月生活費，唔怪得Amy會咁失望。
但系見到Amy咁想要個音樂盒，我決定攞我一部分既積儲出黎買左佢等一日表達我對佢既心意。
「走啦，仲睇，就快天黑啦。」我同Amy講。
個晚食完嘢之後我作左個藉口話肚痛所以比左條鎖匙比Amy叫去自己返去先，自己去揾廁所。
就系咁我就用左一舊錢準備當日既事.....



由於啱啱手殘打左一大堆字唔小心del曬，時間又太夜，所以就po住呢到先啦，聽日會po埋下半part。

未follow我ig就快啲follow啦！
ig name: batmit_yin