我突然間多咗個妹: 我與妹的日常?(下)

呀，唔知妹鍾意食咩架呢?係咪食開西餐架呢?食唔食魚蛋粉架呢?會唔會嫌街市污糟呢?
「嘩好痛呀!做乜Q打我呀，弱智架?」
「頂你，問你食乜好呀?問咗你三次喇，聾架?」
「諗緊嘢吖嘛，求其啦，我冇所謂。」
「咁...食車仔面好冇呀?好掛住豬雜。」
「哦，是但囉。」

「喂，呀信。Priscilla喎。」
「係喎。」原來呀妹都食車仔面架?好正呀，同佢食飯唔洗下下食貴嘢。「Priscilla!咁啱嘅!」咦?佢聽唔到咩?「喂!!」奇怪，都係唔應我嘅?
「肯定係人哋覺得你咸濕啦，無啦啦貼塊面去人哋度，俾我都唔理你啦。」


「巴閉喇你，講到咁識女仔諗乜，咪又係冇女朋友?」
「咩冇呀，之前打機咪識過一個囉!」
「你話扮幼齒嗰個阿叔呀?同阿叔拍拖你都計?你猴禽咗啲喎LOL」
「妖，唔係打rpg嗰個呀，係...」
「繼續吹。碗面凍喇，食啦。」

咁又一日，返歸溫書。
「呀妹...呃...Priscilla，我返去喇，返去嗰陣記得睇車。」
「妖，你串我...」「講笑咋，冇嘢咁我走喇。」「喂，你今日又話會教我唔識嘅書嘅。」
「你係咪真心想溫先，想濫用做妹嘅權力獨佔呀哥唔得架喎，我都要約下女仔出街架嘛。」


「哦，唔教咪算囉!」佢做咩咁嬲=.=
「應承過你點會反口，我梗係會教啦。」咦?呢次好似係我哋上次跳舞之後獨處嘅時間喎。都好嘅，可以用呀妹拍下拖談下情。
「Vincent，你...你而家...係咪要教Priscilla呀?可...可唔可以教埋我呀?👉👈」
「哦，好吖冇問題，反正教啲嘢都一樣嘅。Priscilla你做咩咁嘅表情，我又唔係唔教你。唔好呷醋啦~~~」
「邊個得閒呷醋喎，我係驚你叻唔切，應付唔到兩個人咋。」

「咁er...今日都差唔多喇，教住咁多先，有咩唔明再Whatsapp，我星期一返嚟教你哋。」
「唔該晒Vincent，好彩有你咋。」
「唔係吖，我好似冇乜點教你都識嘅，你唔錯呀。」
「係...係咩...」Beverly呢排真係好奇怪，好似有嘢瞞住我咁嘅?



(妹傳來信息)
「哥，唔識呢條數，教我。」
「今日教過架喎，你睇返你抄嗰啲筆記，搵返條方程式出嚟用就得架喇喎。係喎，你今日喺___做咩叫極都唔應我嘅?」
「係咩，真係唔知口月月口」「喎*」
「你好緊張咩，字都唔識打?」
「冇嘢冇嘢」「我識計喇」
「👌👍👍」

(Beverly傳來信息)
「Vincent，我有啲嘢想問你呀」
「?咩事?」
做咩已讀咗我嘅?算啦，可能佢忙緊，由佢。

就係咁，直至考試完結，我同Priscilla每日就變咗師生關係咁，我負責教好佢，佢就負責學好老師教嘅嘢。呢個就係我哋嘅日常       ?