「Priscilla,終於考晒試喇喎,覺得自己考成點呀?」
「呀信,唔好提好唔好:)考完就算啦好嗎?」
「呀,係喎Priscilla,Beverly,放聖誕假嗰陣雖然冇hip hop堂,但係Missy會額外開幾堂同我哋操隻舞架。唔好意思呀,Priscilla,聖誕假你可以會少咗時間拍拖。」
「吓...哦...呃,唔...唔緊要嘅,佢...多數都...用啲時間嚟打波,唔...唔得閒理我架喇。」
「Vincent,我冇問題架,我已經將hip hop放咗喺第一位喇。係呢?Priscilla你講嘢做咩甩甩咳咳咁嘅,冇事吖嘛。」
「我...我俾口水濁親啫,冇事。」點解我有種Priscilla唔鍾意Beverly嘅感覺嘅,佢哋唔係不嬲都好friend架咩?

woohoo,終於放假喇。「呀信,有冇約,陪我出街好冇呀?」
「唔得呀Toby,要練hip hop呀。」
「吓?你唔練都得架啦唔係咩?以前都係咁革,你年年都輕鬆carry架啦。」


「咁我之前應承咗佢哋,會陪佢哋一齊練吖嘛,費事揼低佢兩個啦。」
「點解你今年桃花運咁好架,我仲未擺脫『女神』呀TAT。喂真心一問,如果你喺佢兩個之中揀一個做你女朋友,你會揀邊個?」
「吓...我真係冇諗過喎。Beverly掛...大佬呀,Priscilla有男朋友架喎,況且我當佢呀妹咋...」
「真係當人係呀妹咁簡單?唔好講大話喎,機會唔捉緊就冇架喇。一睇就知佢兩個而家都搭你糖啦。」
「咩機會呀,你痴線架?你叫我做第三者呀?」
「Priscilla冇同你講咩?佢...」
「Vincent...你...今日係咪都會陪我...我哋練呀?」
「哦係呀!我而家執埋嘢落去,你行先吖。唔講住Toby,再約。」

連續兩星期嘅特訓隨住假期正式開始。


「Priscilla,你都係唔夠力呀,做多100下sit up先。呀信你去幫佢,順便睇住佢做,唔好俾佢偷懶呀。」
「嘩,Missy想整死你咩?我都做唔到啦。」
「唓,我先冇你咁渣。睇住啦,我兩分鐘之內做完俾你睇啦。幫我數住。」
「得唔得架你,唔好夾硬嚟喎,仲有成個禮拜你挨架,整親自己就唔好啦。」
「你兩個講完未呀,仲唔快啲開始,係咪唔想比賽呀?」
「你咁多嘢講架,叫你數就數啦,俾Missy鬧喇。」
「得,預備,開始。」嘩,痴線。Priscilla有做開架,幾乎一秒一下嘅?「35,36,37...」喂佢冇攝衫喎...嘩,就嚟睇到佢條腰喇...睇到喇睇到喇,Priscilla真係好正呀,有腹肌架痴線。唔得架唔可以企起身架細佬,就嚟忍唔住喇,但係唔望又數唔到喎...
「喂...你...有冇數架...好攰架大佬。喂你望邊呀,變態><」啪,佢突然一巴打咗埋嚟。
「痛架,你傻咗呀?你打完我又面紅係想點呀?」
「我飲水呀!」


「喂,你去邊呀...仲未做完架...」不過Priscilla啲腹肌好真,好想再睇呀A_A。呀呀呀...唔得呀,我諗緊乜呀,佢係我呀妹嚟架,點可以咁睇佢架。
「Vincent,你都攰架喇...不如飲啲水先啦。」
「好呀,唔該晒Beverly。」
「唔...唔洗。」

為期兩個星期嘅特訓劃上咗句號,而距離比賽嘅日子亦都越嚟越近,只係淨返大概一個月。
 
已有 0 人追稿