晴:「其實相比於打機嘅男仔,我覺得打波嘅男仔型好多!雖然打機嘅都唔差!」
我:「哦....我訓啦早抖」
晴:「早抖」

呢個係我地琴晚最後wts講嘅野。
其實我一直都覺得打機嘅男仔先最有魅力!
比起打波,打機更顯示到個男仔係好專一!(下删一千字)
不過呢啲,都係得毒撚先明,唉。

7點45分,


又係與時間競爭嘅一天,
每一日都要跑著返學。
而每一次都係兩分鐘前返到,
每一次都用一種好爽嘅表情望住門口嘅老師,
想講:「爽呀!次次都差少少!睇死你地有生之年都唔會捉到我咖啦!」

上到去,又訓到落堂。對於我黎講,本身就唔係讀書嘅材料,讀書黎做咩?
自己最大嘅夢想就係打電競!可以打嬴Faker係我嘅目標!
拿返個world championship,
到時我就成為全香港最出名個個,每份報紙都有我個名,哈哈哈哈哈...


.
.
.
.
.
.
.
.
「點呀,毒城,醒未呀,發夠春夢呀?」
「喂,不如趁依家開佢手機同所有女仔講絕交呢?」


「好喎好喎!」
我:「我頂!死開啦你兩個!」
呢兩個係阿榮同阿明,兩個都係我死黨,同埋小飛,我地四個係熟到無得再熟的兄弟(差未拜關公)。
阿榮,係學霸,讀書又勁,又係籃球隊副隊長,可惜個樣只係中等唉,如果唔係真係男神黎;
阿明,讀書同我一樣,無天分,但樣唔差,打波又勁,真係溝死女唉。
真係得我,係無一啲特點,唉。

我:「點呀,揾我做咩?」
榮:「喂少一個人打到3打3呀,你玩唔玩呀?」
平時既我,因為驚柒驚傷,所以佢地次次揾我打我都拒絕。
雖然次次拒絕,但佢地次次缺人都揾我,呢啲真係一生嘅好巴打。

而今次,我都唔知自己做咩會咁。
我:「OK,雷左唔好賴我。」
榮:「...」


明:「...(噴水聲)」
我:「...?」
榮&明:「你...係咪阿城黎?」
我:「我唔係咁邊個係...」

之後就梗係無啦啦落左去打波,雖然真係好耐無打過波,但以前都打過少少,無雷到。
完左之後,
飛:「喂你搞咩?做咩今日突然間打波。」
明:「哇X!今日聽到嚇鬼死,搞到我嚇埋水。」
我:「無呀,想打咪打,無野做。走先Bye,返去打機」
我:「打波真好好玩!下次要預埋我!」
我望回頭,成班個樣呆L哂...

我:「打波幾好玩喎!」
晴:「係咩,幾好呀,試下多啲運動咪成日打機啦!」









-------------------------------------------------------------------------
因為你 而改變
沒有你 會改變?
已有 0 人追稿