一個毒撚，經過一次網戀，重新做人。: ...唔係玩到咁大呀?

晴:「喂不如揾日出黎見下面呀好無？」
我:「咪啦...我唔想呀」
晴:「點解？但我真係好想好想見你喎！」
我:「但我真係唔想喎...」
晴:「如果你唔見我，我就死俾你睇，寫遺書話係你殺！」
.
.
.
.
.


.
.
.
醒左，
嚇親我，好彩只係一個夢姐。
對於我黎講，所有野放係網絡世界就夠，現實...有班巴打就夠。

今日係星期六，係每個星期兩日假期嘅第一日，睇黎都要好好計劃下做咩好...
好，決定上紙言睇下故事先！
「通知:晴傳來一條信息」


晴:「做緊咩？」
唉，其實唔知點解佢近排多左whatsapp我，雖然可能係好事嘅，但女仔咁主動好咩...
我:「無呀，諗住打下機，然後訓覺，或者上紙言睇故囉...」
晴:「又打機又訓覺你唔悶既咩...」
我:「無呀，咁假期不嬲無野做，你俾啲建議我？」
晴:「不如出黎見下面？」
...
...
下?
無睇錯呀？


我熄左部電話mon再睇多次，無錯喎，係真喎。
點算好，未遇見呢種情況，
但我唔想令佢對我嘅印象減至0，因為我覺得呢個女仔同我幾對key。
點算呀點算呀？？？

我決定問班巴打先再決定。
我:「各位大佬點算，網上有個女仔諗住同我現實中見面...」
小飛:「哇仲唔係想俾個機會你追佢？」
榮:「上啦毒城！」
明:「我覺得都係小心啲好，網絡世界始終係件好雙向嘅野黎，就算你有好多經驗都唔好亂黎。」
榮:「頂你唔好阻住我食花生啦，難得有個女仔肯主動追毒城喎！」
明:「下...Er...咁又係嘅」
飛:「唔係咖！俾信心佢啦！佢得咖！佢最近都同我地打波啦！」
榮:「係喎，唔記得問你，點解突然打波？」
去到呢到，我熄左部手機，


因為我知道，問你幾個都俾唔到咩意見，
我都係自己諗清楚下先，唉！