家姐佢最後係無講到嘅,佢又唔算衰得曬嘅,都算留返啲面子俾我。

我可以想像到,當全班都知道係我寫,我將會受到咩嘢目光。

其實家姐佢講完之後,我真係驚架,驚佢真係玩勁我,不過好彩佢無。

跟住過咗幾日就係陸運會,我哋班男仔又係度討論家姐陸運會有幾正。

我係有啲唔慣,聽住自己識嘅男仔,係度對住自己家姐評頭品足,硬係好似唔知點咁......





你唔參與嘅,又會諗,人哋會唔會覺得自己好有問題?

但埋堆啦,自己要講到家姐幾咁正,幾想屌咁樣?我又講唔出口喎。

最尾我係無理到,由佢架。

我哋間學校一開波就陸運咗先,等大家玩曬先,之後就無啦,專心讀書。

我估......





我有返去試探下家姐架,問佢陸運會點著。佢答我求其運動look算。

我仲借啲二問佢同David點,佢話無咩嘢,依家見到面都無咗以前嘅感覺。

家姐仲話唔知係咪我講完之後,識諗咗,唔再咁衝動,會諗後果。

我覺得係好事嚟嘅,同時我都怕,我會唔會好似家姐咁,遇到愛情就會失曬理智?

我同家姐依家係學校見到都無咩嘢,經過哩段日子嘅訓練,我練就一身好武功。





就係見到家姐都可以扮無嘢,係學校見到佢就唔再當佢係家姐喱個身份,而真真正正咁當佢班主任。

依家佢係門口迎接學生,我都可以有禮貌咁對住家姐點點頭,微笑,然後講句:「 Hi,Miss Tai。」

家姐臉上神色都唔覺得有咩唔妥,佢好自然地咁回應我。

喱一切嘅轉變係如此自然。

去到看台,又係啲無聊嘅開幕禮呀,同埋校長致詞,每次我都覺得,可唔可以快手啲完呀?

真係唔想聽到喱啲廢嗡,年年講嚟講去都係嗰啲嚟嘅。

終於捱到比賽啦,我年年都有報,報嚟報去都係一百米同二百米,因為好快完呀嘛,400米已經覺得跑得有啲多啦。