2017年 7月


一名身穿典型OL西服既少女,正坐響凳上


響佢面前既,係兩個中年男子

一個身材較肥壯,滿面汗水





另一人就較為瘦削,屬於紳士式既男士



肥中坑先問一句

「請你介紹一下你自己先啦..」







「呃..係!」少女似乎顯得有點緊張

「我....我叫凌愛瞳,今年19歲,讀中文大學中文系...但係..休緊學..」


「休緊學?」肥中坑問

「嗯...因為,我覺得我應該要做d更加有意義既野..」少女答

「例如呢?」





「加..加入你地..IID!」


紳士男終於開口

「點解會想入IID?」


少女雙手握緊,答:「因..因為,我從前個男朋友..就係IID既特工」

「果陣...佢連命都唔要黎救我」

「所以,我好想好似佢咁,保護其他人」






「嗯..」紳士男輕輕一笑:「凌愛瞳...下星期一返工,無問題丫嘛?」

肥中坑似乎對於呢個結果不太明白:「喂..你..」



「真既?!」少女既緊張心情終於一掃而空:「多謝你地!我一定會比心機架!!」





少女走左之後





「喂,阿發,你做乜請呢條女呀?雖然佢幾靚女姐..」肥中坑問:「仲有,大把interviewee好過佢啦,你搞乜鳩 
呀!」

紳士男飲住咖啡,笑送「呢條女...係我以前頭馬既ex黎架,比下面佢啦,哈哈」

「但係...呢條女..體能、格鬥術、射擊..全部係零架喎,佢乜柒都唔識架!」

「咁..咪訓練佢做指揮官囉,讀得大學,應該有d腦掛」




「何況,有武士同吸血鬼果班人睇住,應該冇問題既,哈哈!」








1. 新人特工


2017年8月1日

「鈴鈴鈴鈴鈴鈴鈴鈴鈴鈴鈴鈴鈴鈴鈴鈴鈴」
7點30分,鬧鐘響起


「嗯...」

一個著住粉紅色睡衣既少女慢慢起身





「等左咁耐,呢日終於要黎啦...」



少女起身後馬上刷牙、洗面

「凌愛瞳,今日第一日返工,要加油呀!」呢個叫瞳瞳既少女對住鏡中既自己道

「我一定..要做個出色既特工,比石仔睇架!」




經過一番打扮後,著住黑色OL裝既瞳瞳準備出門上班



一路行去天水圍西鐵站既途中,瞳瞳回想返起以往既事..




響四個月前既一日

瞳瞳於咖啡室遇到一個人


「咦你咪係...石仔從前果個..瞳瞳?」呢個女仔大感驚訝

「呃....我認得你啦,你係2年前,同石仔一齊去ball果個叫千柔既女仔丫嘛..你好呀」

瞳瞳冇諗到,「果件事」之後,仲可以再見返呢個女仔



「瞳瞳,你依家..幾好丫嘛?」千柔飲住咖啡問

「嗯...都幾好丫..只不過..」瞳瞳道:「我總係覺得..好似對唔住石仔咁,果陣仲怪錯左佢」

千柔安慰住瞳瞳:「唔好咁諗呀,其實石仔從來冇嬲過你架!」


「但係..石仔果陣命都唔要黎救我..」

「我一直都好內疚,所以,我都好想好似佢咁,做一個特工!」


瞳瞳似乎自知講得太大聲,慌忙道歉

「唔..唔好意思..」


千柔搖住手:「唔緊要....不過瞳瞳...你係咪真係考慮清楚架?」

「嗯!」瞳瞳堅定地點頭


「咁呀...」千柔響memo紙上寫下一個電話號碼

「我果陣都係經人介紹先入到去,瞳瞳你可以試下打去呢個電話度架...」


為左成為特工,瞳瞳甚至暫停自己既大學學業

目的都係...為左作心理補償




「不過估唔到...IID既總部原來咁張揚,就響中環果棟美麗大廈度..」

瞳瞳搭住西鐵,前往香港站



去到香港站時,

由於係繁忙時間既關係,四周都人來人往


「嘩...原來中環站咁多人架...」

瞳瞳被推住前進之際,卻失足跌到


「啊!!」

響瞳瞳跌落地前一刻,卻被一隻手拉住


「你冇事丫嘛...」

拉住瞳瞳既係一個銀髮青年,穿著迷彩恤衫,外表異常冷酷



「無...無事,唔該你呀先生...」瞳瞳禮貌道謝

銀髮男冷冷道:「下次小心d..」


而佢身旁既,係一個啡曲髮少女,年紀約比瞳瞳大些少

下巴尖尖,有一副明星相


但佢同銀髮男一樣,說話都係冷冰冰的

「行啦,友美」

「嗯..」啡髮少女回應


然後兩人就消失於人堆中


「呢個女仔...硬係好熟口面...響邊度見過呢...」瞳瞳心裡想著




由中環站行到美麗大廈,需時大概五分鐘

美麗大廈係一座高70層既商業大廈

從外面看,同一般既中環建築物無分別



「就係呢度啦....」

瞳瞳打開正門,進入極之正常既lobby


「hello瞳瞳!!」

當日面試既果個打扮紳士既中年男,竟然早已在lobby等待瞳瞳



「你好呀,凌愛瞳,我叫林日發,係IID香港分部既行動司司長,你叫我發叔得架啦!」發叔熱情地打招呼

瞳瞳亦笑著點頭:「你好..」


「由於瞳瞳你係新入職既關係,所以黎緊半年我都會擔任你既mentor,即係導師之類既野啦,你有咩都可以問我 
架」發叔遞上一張卡片

「咁請問...我會去邊一個部門呀?係咪即刻就可以做特工呀?」


「哈哈...你真係好想做特工喎...」發叔帶住瞳瞳入升降機:「放心啦,我已經為你安排左一個合適既位置架啦」

「嗯...唔該發叔」





瞳瞳跟發叔上到55樓


一打開升降機門,就見到一大堆埋頭苦幹既IID人員,正在工作


「佢地呢,就係IID既後勤人員黎,負責起底、查野、支援既工作,所以會比較忙」

發叔一邊講解,一邊帶住瞳瞳

「我地呢棟野表面係商業大廈,其實就係IID既總部,地下三十層係訓練場、武器設備房」

「30-60層就係我地既特工同人員做野既地方,頂樓5層係康樂設施,而basement就有10層,用黎泊車」


經過九曲十三彎後

「嗱,終於到啦!」


門牌寫黎

Archangel特別行動組




「咔!」


發叔打開門,就見到一個三十多歲既男子走埋去

「發叔好耐冇見啦!!」

此男子外表粗獷,虎背熊腰


「你個死仔丫,又唔落黎探我?」

「多野做丫嘛..」男子指住瞳瞳:「咦,佢就係..?」



「你好呀,我叫凌愛瞳!」瞳瞳黎一個90度鞠躬:「請..請多多指教!」

「哈哈,唔駛咁誇既!」男子連忙扶起:「我就叫大久保武士,係呢一個Archangel特別行動組既組長!」


發叔:「咁..我交瞳瞳比你架啦」

「得啦!得閒搵你飲茶!」

說罷,發叔就先行離開




「大久保先生,你係日本人黎架?」瞳瞳問

「嗯!我後生果陣黎過香港讀書,所以咪學識廣東話囉,哈哈」大久保笑道:「係喎,同你介紹返d同事先!」


大久保指住對面玩住電腦既四眼男,大約二十多歲

「佢叫大衛洛迪古斯,係我地組入面既IT狗!同電有關既野都係佢負責既!」


「IT呢d專業都比人話係狗,真係多謝哂香港人」洛迪古斯托托眼鏡,用半粵半英回答:「瞳瞳,你好..我係西班 
牙加香港混血黎既,不過都學緊廣東話架啦」

「洛迪古斯先生,你好」瞳瞳點頭示好


而另一個黑黝既高大男子亦走過黎,主動握手

「你好,我叫林聰,負責格鬥,多多指教啦!」

瞳瞳接過握手:「你好..叫我瞳瞳得啦」


「大久保先生...點解呢度..好似咁少人咁既?」瞳瞳不禁問

大久保呼一口氣:「唉...仲有三個」




「咔」


一個穿吊帶裙既豐滿美女行入房內

「呼.早晨呀咁多位..好眼訓呀...」


「丫,你又遲到啦...仲要成陣酒味tim!尋晚肯定飲大左啦」

「車...都冇乜野做架啦!」美女指住瞳瞳:「咦,你就係新入黎我地team果個女仔啦?」


「嗯,我叫凌愛瞳..」

美女微笑道:「你好呀我叫逢澤奈央,係呢一team入面做隱密工作既...」


「隱密工作?」

「你可以當係現今既忍者,我係負責響任務入面暗殺對方人馬...嘻嘻呢一team終於多個女仔啦!」

奈央搭住瞳瞳膊頭:「瞳瞳以後有咩唔明」

「都就黎三十歲...好心咪鬼叫自己女仔啦!」洛迪古斯笑道


「咩呀,我係28歲零68日呀,死金毛IT狗!」

「老女人!」

「金毛IT狗!」

「老女人!」

「金毛IT狗!」





「咔!」


「各位早晨」

一對男女亦走入房中,就坐到自己坐位



「你兩個又遲到,信唔信我扣你人工丫嗱!」

「頭先去左禁錢..」男方冷冷回答



大久保道:「瞳瞳,我同你介紹...」


瞳瞳一回頭,眼前既兩人,正正就係今早響香港站見到既銀髮男同啡髮少女


被嚇倒既瞳瞳瞪大雙眼「你地...咪係今朝...?」


「哦...原來你地識得既!」林聰笑道

「唔..唔係呀,只係今朝撞到咋....」


大久保繼續介紹

「佢叫希路,係我地team既主要攻擊人員,不過份人就有d cool cool地」

「至於呢位...就叫友美,係team入面既狙擊手...」



「你好,我叫凌愛瞳...」

「多多指教...」兩人對瞳瞳點個頭,就轉頭到自己既枱面

「咁你地咁cool架」奈央苦笑道:「瞳瞳唔駛理佢地架,佢地對住我地都係咁架..」


「友美.....個名咁熟既.......」

瞳瞳開始回憶返,幾年前既往事





==============================

「瞳瞳,頭先果餐飯好唔好食呀?」

石仔拖住瞳瞳,響廣場中行街


「嗯!其實...石仔你唔駛咁破費架,頭先果餐飯成7百幾蚊架..」

「嘻嘻我返暑期工賺到錢嘛,無所謂啦..」石仔望到廣場既大舞台前:「嘩...好多人喎...」



之後,一個打扮時尚,身材嬌小既啡髮少女行出黎

「大家好,我係友美呀!歡迎大家黎到我第一次既簽唱會啲!」

友美微笑時仲露出小虎牙,十分可愛



「友美!友美!友美!友美!」

一大班fans尖叫



石仔笑道:「丫,又幾靚女架喎..」


「石仔呀!」瞳瞳扁起嘴

「講笑姐,瞳瞳你最靚架嘛!」


但之後,呢個歌手,就好似人間蒸發左咁,完全無哂消息

===============================
已有 0 人追稿