「Hey Gimme!Hey Gimme Gimme Luv!Hey Gimme!Hey Gimme Gimme Luv!」

台上既少女毫不保留地施展勁歌熱舞

佢,正正就係友美




「友美!!友美!!」





商場平台坐滿不停尖叫既歌迷












「友美!我好鐘意你架!!!」


「哈哈多謝你呀」

友美於CD上簽名,遞給眼前既女粉絲



友美望住後面等待與自己近距離接觸既歌迷,內心不其然沾沾自喜








亦令佢覺得過去自己既堅持,係正確






「你個死女包,你講咩話?!」

「我已經同經理人簽左約啦!我!要!做!歌手!!!」






「仆街女!!」友美既父親一掌摑向友美

「我比咁多錢你讀書,你竟然話要做歌手?你short左呀?!!」

「你睇下你細妹丫!年年全級第一架!你睇下你讀左d乜撚野屎片出黎!!!!」


「係啦係啦!佢先係你個女!我唔係丫嘛!!!!」

「呢d咁既屋企,我住唔住都罷呀!」

友美取起行李袋,轉身離開







「友美!!你去邊呀...」友美母親欲想追出去

「由得佢!!!!睇下你個仆街女幾時返轉頭求我!!!!!」







友美離家出走後,就搬到唱片公司安排既公寓居住,並接受公司既訓練


經過半年既訓練後,能歌擅舞既友美正式出道





一出道就隨即被捧為「全年最佳新人」、「天后接班人」

憑住優美既歌聲與舞蹈,首年更橫掃各大新人獎


對友美黎講,呢一切都十分順利




「友美,今晚同我一齊去同老闆食飯丫」

響車上,旁邊既經理人咁樣講






「吓...哦.....」

由於間中都會出席此種飯局,所以友美亦冇覺得有問題






「陳生,你好呀!」友美跟住經理人進入褔臨門既vip房間




「哈哈友美你黎左啦,同你介紹,呢位係王少,佢係我幾十年既老友黎架!」笑得開懷既老闆道



「你就係今年果個好紅既新人友美啦...」外表猥瑣既王少遞出右手


「王少你好...」基於禮貌,友美亦跟佢握手



「呵呵...真人又幾靚女喎...」

王少用五指於友美既手背上遊走,嚇得友美馬上縮開

友美已經知道,呢個王少不懷好意


整餐飯中,王少不停為友美倒酒

期間更不時對佢毛手毛腳




「哈哈,其實今晚約友美你出黎,係為左傾下拍電影既事既」

老闆痛快地飲住紅酒:「王少間電影公司黎緊開拍新戲,大製作黎架,佢就想搵你做女主角」


「吓...我...」友美吃左一驚


「你仲驚咩姐,呵呵」王少用右手搭住友美既香肩:「有我王少捧你,包你一炮而紅呀,哈哈哈」

「只要你...今晚陪我...」



聽到呢一句,友美馬上推開王少

「王...王少,請..請你檢點d」



「我檢點d?!你咩新鮮蘿白皮呀?!竟然對我say no?!」

「就連依家電影圈既一姐呀,都同我搞過架!你老幾呀?!!!」



「老闆...」友美望住老闆,期望老闆為自己主持公道


「友美」

老闆板起嘴臉:「今晚好好服待王少」

「你唔做,大把響你下面既新人爭住服待王少」


「咩....咩話...」

友美呢刻完全呆著,佢無諗到,一直力捧自己既老闆,竟然會出賣自己比一個色魔



「唔通你以為,你d歌迷真係支持你咩?全部都係公司請返黎架咋」

「就連吹捧你果d新聞,都係我地出錢架!」



「冇...冇可能架...」

友美聽到呢一個絕望真相,面臨崩潰




「死八婆,今晚我實要屌死你隻臭雞呀!!!」

王少粗暴地捉住友美,試圖強吻



「走...走開呀!!!!」

友美響掙紮之下,情急拎起枱邊既紅酒瓶,扑向王少既額頭

王少隨即血流滿面




「呀呀呀呀呀!!!你隻死臭雞竟然打我?!!!!!」


友美一時驚慌,連手袋都冇拎,就拔足而奔



「死臭雞!!!!!」王少以及佢既隨從亦從後跟上





除下高踭鞋既友美一直跑,一直跑

已經唔記得左自己跑到幾遠


「點解...點解會變成咁架...」

友美激動得落起眼淚


自己明明乃公司既當紅炸子雞,竟然如此輕易就被老闆出賣

自己一直嚮往既樂壇,竟然如此黑暗



友美知道,今日一走,聽日自己將會消失於娛樂圍,甚至身敗明裂


想到呢一度,滿面淚花既友美竟然笑起黎

「哈...哈...我...我真係好蠢呀..」



「隆................」

友美察覺唔到,背後正有一輛高速行駛既跑車衝向自己




「砰呀!!!」

跑車將友美撞飛至數米以外,吐血倒地



「嘩....頭先我係咪撞到人呀..」

「呃...呃....無.....無呀....石頭黎咋....走..走啦!」


瀕死既友美攤響地上,望住撞到自己既跑車不顧而去

「點..點解...呢個世界...係...係咁黑暗...」

「哈....我都..唔想留響度啦」



友美慢慢閉上雙眼

響黑暗既世界中,佢隱約聽到一把聲音



「小姐...小姐......你無事丫嘛....」

「可惡,失血太多、內臟爆裂、骨折,就算送到醫院都好難救得返」


「......無辦法啦,要用『果樣野』啦」




「小姐,對唔住」







「啊!!!!!!!」

友美再次睜開眼

但眼前既,亦唔係佢想像中,死後既世界

而係一間,佈置優雅、散發古典氣息既房間

窗外既林木,亦令人感到放鬆



佢望望響睡床上既自己,昨晚既紅色連身裙早已脫去

穿上既,係一件白色睡衣


「呢度...係邊度呀....」


友美慢慢回想起昨夜既事

「我...唔係已經死左架咩...」



正響友美沉思之際


「早晨」

一個銀髮青年不知不覺響房門前出現



「啊!!!」

友美被呢個神秘男子嚇到

「你....你....」


「我係呢一間屋既主人」

希路遞上一杯溫水


「唔..唔該....」



友美飲下一口溫水,問

「尋晚....係咪你..」



「無錯」

希路坐響友美床前既凳上

「係我救返你既」




「我尋晚經過附近,就見到你...比一架跑車撞到」

「所以...我就救左你啦」


 

「我明明...」友美依然唔太相信眼前既事實:「應該...死左架喎」


「係,你當時受既傷應該好難救得返」

「但係,我用『果種力量』將你救返...」



「果種...力量.....啊!!!」

友美忽然頭昏腦脹:「個頭...好痛呀.....」



「睇黎...係因為身體暫時未適應眷屬之力」



「眷...眷屬之力?」友美問

「你摸下你條頸,你就會明白」


友美聽住希路既話,摸下側頸

佢摸到既,係一個牙印


「點..點解....」




「我係吸血鬼」

「我冇尖牙、唔怕陽光、唔會驚十字架、更加唔會吸人血」

「我有既,就只有比平常人好既力量同速度」


「吸血鬼可以透過咬人,將瀕死既人救返生...」

「被吸血鬼救既人會成為佢既眷屬,所以依家你就係我既眷屬」

「身為眷屬既你,將會分到我一半既力量」



「但成為眷屬重生既代價係,我死,你都會死」

「所以...呢個亦都係被稱為『眷屬既詛咒』」
已有 0 人追稿