希路望住友美,佢既反應似乎出奇地平靜


「小姐,你唔驚咩?」

「你以後既人生將會一百八十度轉變,甚至只係為左保護我而活」



「....我...已經乜野都冇啦」





友美低住頭:「我一直以黎,都以為歌手係好風光」

「原來...呢一切都只不過係一場大話」

「我既歌迷係假,捧我既樂評人係假,甚至...仲要我出賣自己既肉體」

「我...已經冇哂生存意義啦」







「.....」希路冇回應


「希路,點解...你要救我....我對你黎講,有咩價值?」友美問



「好簡單,因為我需要一個人,同我一齊報仇」





希路繼續道出因由:「十年前,我屋企人比一個叫『迪拉斯』既組織殺死」

「我一直都策劃緊復仇大計,但係我一個人既力量,係唔足夠對付一個咁龐大既組織,所以我需要一個拍檔」

「咁啱,就比我遇到瀕死既你....」


「不過....始終都係我自把自為救返你,如果你想走、或者想死既話,我唔會阻止你」




「....」

友美平靜地回答:「我應承你」






「我已經返唔到去娛樂圈啦,但係....我條命始終係你救既,我唔會浪費你既好意」

「不過我有一個要求」

友美臉色一沉:「請你幫我,我要...令果一班令我夢想破滅既人,消失」



「.....放心,我點都會教你殺人」希路伸出手:「我叫希路」



「我叫友美」











一個月後


大宅既地下靶場


「砰!砰!砰!」





友美拎住glock 18,以超高射速連續命中射靶


「估唔到只係一個月,你既槍法就可以練到咁準」

希路向友美遞上樽裝水:「你都練左好耐啦,休息下啦」


「唔該...」友美飲下一口:「依家我反應好似快左、個人亦冇咁攰...呢d係咪就係眷屬既力量?」


「應該話係吸血鬼既力量」希路道:「我好歹都分左一半力量比你」







「咁...我係咪應該同你講對唔住呢?」友美苦笑一下



「唔駛,你好好咁練下射術,近身格鬥就可以啦」


「不過我諗你要睇睇呢篇新聞啦」

希路拎起旁邊既電腦,將佢展視比友美:「我尋日查過先知,原來你響娛樂圈都幾紅架喎...」



螢幕上出現住,「友美患上重病,需長期休養」



「.....」友美無回答,大概係已經估到唱片公司會做出此等行為




「你...冇感覺咩?」

「咪講左我果陣只不過係老闆比錢捧,歌迷同讚我果d新聞都係假架」友美好似事不關己咁回答



「但係你...唔係好鐘意做歌手既咩」


友美放下水樽:「當我知道呢一切都係假既時候,我已經對『歌手』呢個身份絕望啦」

「不過,我都唔知點解,我會想幫你...可能,始終都係想報答你救左我啦」



「....哼,隨便你」




往後既日子,友美跟住希路訓練

憑住自己眷屬既力量,槍械同格鬥術好快就可以上手







某晚



「王少!!!小心呀!!!!」


「砰!」

友美使用CZ75手槍,將眼前既數名保鏢射殺


剩低既就只有嚇到倒地既王少



王少望住街燈映射下既友美

「係...係你....?!你隻死臭雞!!!!!」




「嘿,估唔到係我呢...」

友美舉起手槍:「就係你...將我既夢想毀滅」






「等...等陣呀!!!你想既..我可以捧返你丫!!!!捧到你紅過...」



「砰砰!!!!!!」

友美以一下double tap,就將王少既頭顱轟爆



「呼....連埋上星期殺既唱片公司老闆..........終於都...報到仇啦....」

友美心中終於放下心頭大石



「估唔到你今次出手狠咁多喎」

希路響友美身後既暗角出現:「都話左你始終放唔低啦」


「哼...」

友美收下手槍:「我只係特別睇唔順眼呢個咸濕佬姐....返去啦」



「依家你要報既仇都報哂,咁...」

希路冷冷道:「我地就要...追擊迪拉斯」


「嗯」





往後既日子,希路同友美一直利用goldenjai.com既情報,暗殺響香港既迪拉斯人員






「到底你地迪拉斯既目的係咩?」

「你地既保安公司明明冇響香港設立基地,點解要滲透入香港?」


即使被希路用槍指住,呢個迪拉斯人員依然口硬:「嘿!原來你地兩個就係近期狙擊我地既『迪拉斯殺手』下話!」

「呸!你覺得我地會講咩!!!我地迪拉斯全球有十萬個成員,你殺唔殺得哂呀!」



「砰!」希路一槍擊往迪拉斯人員既太陽穴


「哼....呢個月殺左十八個,都係得唔到新情報」希路收起手槍




身後既友美道

「不過佢地真係收埋得好隱蔽,就算有goldenjai.com既情報,我地都要花幾日時間跟蹤...咁樣似乎太冇效率啦」


「你都有道理,不過呢個已經係我地唯一既方法啦」

希路轉身道:「就睇下,我地可以殺到幾多個啦」



「哈,你都講得幾輕鬆喎...」




「呃!!!!!!!」

霎時間,四架七人車衝出大路


「去死啦!!!!!」

車上既人伸出步槍,對住希路同友美掃射



「希路!!小心呀!!!」

友美冇半分猶疑,奔到希路既前面


「呀!!!」

兩粒子彈擊中友美既左臂



「可惡!!!!」

希路拉住友美跑進後巷







「仆街,果兩個人去左邊呢?」

「快d搵!!!」






「希路...對面有廿幾人」躲響暗角既友美掩住傷口道:「你唔好理我啦,你快d走啦」


「哼..你響度講咩呀...」希路拔起手槍:「你係我既眷屬,我唔會掉低你」

「要生一齊生,要死一齊死」


希路背住友美,於包圍中殺出重圍










「就係咁啦,呢個就係我既故事」友美飲住一口咖啡,道




「原來...友美小姐你..有d咁既經歷....」

瞳瞳繼續問:「咁你地加入IID,都係為左對付迪拉斯?」




「無錯,只以goldenjai.com,係無可能消滅到迪拉斯」

友美若無其事道:「所以我地唯有利用Archangel,由調查犯罪開始,慢慢查出迪拉斯既目的」

「呢個就係我同希路戰鬥既原因」



「.......」

瞳瞳完全無想到,戰鬥既原因係可以咁令人傷感



「好啦,故事講完...凌愛瞳,咁你可以返去啦...」希路冷漠地道


「呃...嗯....」

瞳瞳對兩人鞠躬:「好多謝...你地講咁多野比我聽」



「無所謂,你唔好講出去就得啦」

希路吸一口煙,道



「咁....咁我走先啦」






「咔!」


「原來....佢地..係背負左咁多野...」

瞳瞳緊握手提袋:「希路先生係因為要為屋企人報仇」

「而友美小姐,就係因為成為左希路先生既眷屬」

「對比之下.....我加入IID既原因....真係好無謂....」


瞳瞳聽畢兩人既過去後,心中更加迷惘






「哈,估唔到,你會同佢講我地d野喎」

友美攤上梳化,對住希路笑道


「換轉係其他成員,我都會講」

希路放下香煙:「而且,我信得過凌愛瞳,與其比佢繼續懷疑,倒不如直接講個真相比佢」




「嘻嘻」

友美奸笑兩聲


「做咩?」希路問


「睇黎凌愛瞳佢幾得你歡心喎」

友美道:「咁又係咁,凌愛瞳佢又後生又靚女」



「....無聊」






「不過.....我地仲係查唔到,迪拉斯最近再開始行動既目的」

友美慢慢起身:「睇黎我地仲要繼續搵啦」


「嗯...」
已有 0 人追稿