【英雄系列5】天使與吸血鬼: 11

11.石仔



爆炸將整個商場既人嚇倒，使眾人趕住取出手機拍下爆炸後既場面


「呼...好彩.....」身處指揮室既大久保抹抹冷汗








男子襯住希路同友美兩人既唔留神，轉身逃走


當然以兩人既身手，要捉住佢並非難事

但響男子面前既，係已經扭傷既瞳瞳






佢右手拉弓，似乎正打算順勢要脅瞳瞳，好等自己可以成功逃脫


「颯！！！！」

忽然，一個身影閃到男子面前

用三下連拳就將佢打到飛開








「你..你係...」

瞳瞳呢刻先回過神來

響佢眼前既人，背影卻非常熟悉


「小姐...你冇....」

此人回頭問


兩人相望既一刻，時間就好似停止流動一樣







「瞳....瞳瞳...？！」

「.....石仔...？」


此時，奈央同林聰亦趕到

眼見倒地既可疑男子，以及重遇對方既瞳瞳同石仔


「果個人....係邊個黎架？」奈央問





希路將男子鎖上手拷，道:「唔知，不過佢出手速度好快，應該係識武術」


「係喎，瞳瞳講過，佢以前個男朋友係IID特工黎架....唔通......」

「佢....就係....」




「我地帶個犯比警方先」希路同友美先帶住男子離開

林聰亦開口:「咁...我都返去指揮室度先」






「哦，咁我響度等埋瞳瞳先啦」




「點..點解瞳瞳你響度既？」石仔率先開口問


「吓....我」

瞳瞳心中慌張起黎:「唔可以..比石仔知道我做緊特工架...」


「我...我咁啱經過呢度姐..」瞳瞳支支吾吾回答






「咁瞳瞳你依家..過得幾好嗎？」顯然，石仔都係有點尷尬


瞳瞳慌忙點頭

「嗯..好呀，都係返學咁啦...」



「石狗！」

此時，一個外表秀麗既白淨女生走到石仔旁邊:「你又聊女仔呀？！」


「屌！唔係呀....」


石仔自知響瞳瞳面前失態，馬上收斂回來

「瞳瞳...佢..佢係阿玲，係我隻性....我個女朋友」



「呢位就係瞳瞳，係我個....我個....」



「前度丫嘛！你講過啦石狗！」

阿玲有禮貌地打招呼:「你好呀，我叫阿玲」


「你好...」


「駛唔駛句句都拮住哂呀....」

「你又好得好多咩！依家我有翼仔，唔駛再睇你面色啦！」

「死姣婆，翼仔根本都唔show你！」

兩人打情罵俏，彷佛忘記瞳瞳既存在


「咁...咁我唔阻你地啦，我走先啦...」

瞳瞳急忙地轉身離開


「瞳瞳...」




「凌愛瞳！唔可以擰轉面架！唔可以架！」瞳瞳心中唸住





露天廣場剩下奈央一人

「瞳瞳...你冇事丫嘛？」奈央問



「無事..呀...」

奈央察覺到瞳瞳瘀黑既腳踝:「仲話冇事？！你成隻腳瘀哂喎！我扶你啦」

「唔..唔該奈央小姐」


瞳瞳跟奈央一路行回指揮車時

「係喎...希路先生佢地呢？」


「佢地呀...頭先去左交個犯比警察呀，應該一陣先返去」



「.....」



車上


「呼，希路你地都返到黎啦...咁返去啦」

大久保道:「瞳瞳，第一次出動，唔錯丫」


「多...多謝大久保先生！」


「不過下次唔好咁搏命啦，你睇下你隻腳傷哂啦」大久保提醒



「嗯，知道啦」

瞳瞳心中暗想:「原來出去行動係咁大壓力架...」





返到IID總部後

襯住響女裝備房既時候


奈央終於開口問:「瞳瞳，頭先響太古廣告果個...就係你以前...做過IID既男朋友石仔呀？」


「吓...」

「嘻嘻，我都係估下既姐」奈央將配槍放回儲物櫃



「嗯....」

瞳瞳點一點頭，若有所思道:「我見到..石仔佢同女朋友咁開心，我都放心哂啦...」


「你個心真係咁諗？」

「....嗯」


「哈，女人果然都係口不對心既動物黎...」


「呃？」瞳瞳唔明白奈央既呢句話


「你頭先轉身走果個表情，已經出賣左你啦」

奈央語重心長:「瞳瞳你見到石仔佢同現任女朋友咁開心，你個心其實係好難受」


「.....」

瞳瞳冇回答，只係點一點頭




「難過就一定會架啦...」

平日沉默寡言既友美，竟然亦開口

「忘記佢啦，咁樣你先可能繼續向前」



「友美小姐...」


友美道:「呢d事過左去就由佢過去，唔好再諗」

「就算你仲係鐘意佢，你同佢既關係依家都已經返唔到轉頭啦，咁點解仲要諗」



「......嗚........」

瞳瞳既淚水如缺堤一樣流落黎


「喂呀..友美你駛唔駛咁講呀....」奈央抱怨道


「唔咁講既話佢永遠都唔會醒」

友美望住瞳瞳水汪汪既雙眼:「你要記住，你唔可以再為一d過左去既人同事而傷心，你係為自己再活」

「就算係為左其他人而活，都要係...為依家你所關心既人」



「..........嗚....嗚嗚」

瞳瞳用紙巾抹去眼淚，點頭:「....嗯......！」


「友美小姐....雖然我當初，的確係為左石仔先做特工」

「但係，依家我終於知道，如果係為左佢既話，我唔會堅持到咁耐」


「我想繼續做落去」




「嗯，你咁諗，總算似返一個大人啦」

友美從櫃裡拎出一支跌打酒:「記住，你既人生，係要為自己，同埋依家既人而活」


友美將瞳瞳受傷既右腳抬起，用跌打酒為其按摩

「下次出動行動就著波鞋同平底鞋，高踭鞋好易整傷架」

「我一陣拎對波鞋比你，你今晚著住返去啦，遲d先還比我都未遲」



「呃...唔該」

呢一刻既友美竟然如此溫柔，令瞳瞳同奈央都大吃一驚


「友美小姐...竟然會咁溫柔....」





「我返黎啦....」瞳瞳打開自家既大門


「今晚咁夜既瞳瞳？」正在煮飯既媽媽走出廚房


「係呀今日多野做，所以夜左收工...」

瞳瞳脫下adidas波鞋


「咦，點解...呢對鞋好似未見過你著既？」

瞳瞳連忙解釋:「因..因為今日返工果陣叉錯腳拗柴，同事就比左對波鞋我著啦」


「哦...咁你同事都幾好人喎..」媽媽走回廚房:「我煮飯先啦，食完飯我幫你搽下跌打酒啦」


「好呀..唔該媽咪」




「呼....」


瞳瞳回到房間，攤上床上



「估唔到，今日發生左咁多事.....」






「你既人生，係要為自己，同埋依家既人而活」

瞳瞳回想住友美小姐剛才對自己既訓話，再望向自己既傷處


「友美小姐...原來都咁關心我」



瞳瞳拎起床頭與石仔既合照

「石仔....我....要忘記你啦」