【英雄系列5】天使與吸血鬼: 12
12.被捕
「各位早晨！」
身穿住平底鞋既瞳瞳走入辦公室
「早晨呀瞳瞳！」
非常難得地，今日各人都響9點前返到
瞳瞳一坐回坐位，對面既奈央就問
「瞳瞳...你冇事丫嘛？」
「冇事呀...我隻腳好好多啦」瞳瞳笑容滿面地回答
「咁...石仔呢？」奈央故意降低聲量
「...嗯，我冇野啦」
瞳瞳望一望友美:「多得友美小姐尋日點醒我...我知道，唔可以再掛住以前既事啦」
「嘻嘻，咁咪好囉」
奈央托住下巴:「不過，估唔到友美都咁會好人喎」
望住認真打文件既友美，瞳瞳心中想著
「其實...友美小姐未遇到果件事之前，應該係好溫柔既人...」
「嗶嗶嗶嗶嗶！！！！！！」
事隔一晚，Archangel又再次有指示
「北角水星街」
「嘩，又有，駛唔駛咁密呀...」
連大久保都抱怨:「唉...又要行動啦，各位10分鐘後出發」
「係...」眾人沒精打彩，準備起身
「大久保先生」
瞳瞳率先站起，問:「今次...我可唔可以一齊出去行動呀？」
「如果瞳瞳你想既話....當然可以啦」
大久保親切回應:「不過，你作為指揮官，都要制訂左戰術先架」
「嗯，我知道啦」
「瞳瞳好似...多返d信心咁喎，嘻嘻」奈央心裡亦為瞳瞳感到高興
「好，開車！」
響車上，大久保問:「瞳瞳，今次既行動應該點呢？」
「今次行動既地點係水星街，係一條比較短既街道..所以我地可用包抄戰術」
「我同奈央小姐會守住電氣道既一方，而友美小姐同林聰先生就響英皇道一方」
「希路先生就擔當自由人角色，響街中間巡邏」
「嗯，明白」
「好，咁各位出發啦」
某人逐個從客貨車中走出來
瞳瞳跟住奈央，前往目的地
「瞳瞳，一陣你要小心d呀...有咩事都唔好勉強」
「嗯，知啦」
瞳瞳走過去對面街口，守住街道
10分鐘過去
「睇黎仲係風平浪靜喎...」洛迪古斯摸住下巴，道
「依家最有可能出事既，就係奈央果邊果一間金行」
大久保道:「依家就睇下，對方既目標係咩啦」
「咁耐都唔覺得有咩可疑...」瞳瞳四周張望:「到底目標係咩黎....」
「！！！果個咪....」
瞳瞳望到遠處
一個熟悉既面孔正走出大廈
「佢咪係...保安局...局長劉金星？！」
「大久保先生，我見到...保安局局長劉金星...響街中間既海新大廈度出左黎呀！」
瞳瞳馬上向眾人匯報
「瞳瞳你肯定係佢？！」大久保問
「嗯，冇錯，我睇電視見過佢架」
「砰！！！」
一下槍聲，遠處既劉金星心臟馬上被打了一洞而倒地
「呀呀呀呀」突如其來既槍聲嚇到街上既眾人
「！！！！」
瞳瞳轉身，正見到開槍既，係一個面色蒼白既高大男子
高大男子注意到瞳瞳，馬上逃之夭夭
「係佢....」
瞳瞳二話不說就追過去
「瞳瞳！！！」奈央完全叫唔著瞳瞳
「唔可以比佢走甩架，至少...要追到大家黎到！」
穿上平底鞋既瞳瞳追住高大男子，經過銅鑼灣街市
但瞳瞳昨日既腳傷仍未完全康復...
「呀....要...要支持住呀...」毅力十足既瞳瞳咬緊牙關
可惜，高大男子步速奇快，甚至跟希路既非常接近
好快就甩開瞳瞳，跑進後巷
瞳瞳見狀，只好跟過去
瞳瞳慢慢走進後巷更深既位置，可惜依家杳無人煙
「可惡...去左邊呢.....」
「砰！！！」
忽然，身後既一下重擊
就將瞳瞳擊昏.....
「瞳瞳！瞳瞳！！」
奈央同友美亦趕到黎
「明明見到瞳瞳追到入黎架喎...佢去左邊呢？」奈央著急道
「放心，我地可以追蹤返佢部andphone，黎確認佢既位置」
友美依然冷靜:「洛迪古斯，快d查下凌愛瞳部andphone既gps位置」
「佢...」
「佢可能比人捉左」
「...哦...佢呀.....」
洛迪古斯馬上查看:「佢既gps位置依家沿住渣華道一路向住太古方向呀...咪住，瞳瞳既gps位置忽然冇左呀」
友美回答:「咁可能對方已經發現左andphone，將佢毀壞左啦...咁用天眼系統可以追蹤到嗎？」
「應該可以既，不過要多少少時間」
「好，咁我地依家返黎先，有咩再從長計議」
「瞳瞳呀....」奈央心裡忐忑不安
友美已轉身，準備回到貨車
「依家我地擔心都冇用，唯一可以做既就係搵到捉佢既人，救佢出黎」
「已經確認左啦，頭先中槍既的確係保安局局長劉金星，依家響醫院急救緊」
友美道:「繼財政司司長，依家又到保安局局長出事，睇黎對面既『迪拉斯』真係唔簡單」
「可惡！呢班人捉左瞳瞳到底係咩目的！？」大久保氣得一拳揮向車廂
「一日都衰都係我...如果我及時追住瞳瞳既話...」奈央不停責怪自己
林聰道:「唔關你事既，大家都唔想」
洛迪古斯繼續用天眼系統，追蹤可疑既車輛
「搵到啦，就係呢一架白色豐田貨車，天眼系統影到瞳瞳比人捉左響入面」
「好！咁即刻出發去救瞳瞳啦！」