又再過左一段混混淆淆嘅日子, 呢晚, 已經成深夜一點鐘, 聽朝雖然一早就要起身番工, 但唔知點解呢晚好似響床度瞓極都瞓唔著咁, 呢個時候, 手機突然響起左 whatsapp嘅訊息提示。

“Hi” 

我望到個訊息之後, 精神即時為之一振, 係美欣 send 訊息比我

我即時回覆番佢, “Hi, 有事找我嗎?”

輸入中, “睡不著”



我回覆, “我也是”

輸入中, “…………”

我回覆, “甚麼意思?”

隔左一陣, 輸入中, “掛住你”

我回覆, “我也是, 而且掛得比妳更久”



隔左一陣, 輸入中, “近來好嗎?”

我回覆, “又是那樣, 那麼妳呢? 心情平復了沒有?”

輸入中, “平復了, 已沒大問題”

我回覆, “那就好了”

未有動靜, 隔左一陣



輸入中, “上次對不起”

我回覆, “已忘記了”

輸入中, “拍拖了沒有?”

我回覆, “不喜歡他人, 心中仍只牽掛著妳”

未有動靜, 隔左一陣

輸入中, “我大你四年”

我回覆, “我小妳四年, 但我可保護妳, 不會讓妳給人欺負”

輸入中, “你喜歡我的甚麼?”



我回覆, “和妳一起心裡很舒服, 其他的一切已不再重要”

隔左一陣, 輸入中, “還是不能, 怕世俗人眼光”

我回覆, “我不介意, 只要能給妳幸福和快樂, 我甚麼都也願意去做”

我望住手機好耐, 美欣嘅在線時間顯視佢響五分鐘之前就已經離開左, 呢晚, 我望住手機上呢堆訊息成晚, 直到第二朝先至矇住對眼咁爬落床起身去番工。