死後，我成為了地府的牛頭馬面: 5.16

「兩位大哥，做咩停哂手既，d餸菜係唔係唔岩胃口？」劉公子來回掃視我與馬面。

「我地夠啦，你慢慢食，但千萬唔好忘記時間。」馬面站起身離開飯桌。

我也是頭一次看見馬面只吃了數口飯菜便放下碗筷。

為什麼味道會出現問題？

「係既係既，有勞大哥提醒。」劉公子亦放下碗筷，以雙手抹抹嘴巴。





他懷著幸福的笑容，放輕腳步慢慢走到房最近客廳的房間。

「阿女你地聽住，今時唔同往日，爸爸過左生之後，你地就要慳d駛。」一把中年婦女的聲音穿破木門。

「係美齡啊。真係辛苦佢，要死慳死抵。」劉公子搖頭哀嘆。

「咁你又煮咁多餸比老豆，反正佢都未必會番黎架啦，佢出面咁多頭家。」這把女聲帶點尖銳。

「衰女，佢係你老豆黎，佢唔番係一回事，我地盡家人責任煮野比佢食，等老豆安心走最後一程係必須！」美齡責難女兒。





劉公子越聽越安慰，不時以衣袖拭淚。

「仔，你要聽住，我地今時唔同往日，以前我地係慳，但從爸爸唔再番黎開始，我地要更慳！」兒時媽媽對我的教誨猶在耳畔。

「爸爸佢去左一個好遠既地方，只要你努力讀書，聽媽媽話，爸爸就會番黎。」媽媽語重心長說道。

最後，我忘記了父親是否回來，我的記憶容不下這個陌生的男人。

貧窮與刻苦成為了我在年幼時與家母回憶的代名詞。