死後，我成為了地府的牛頭馬面: 5.17

「阿媽，老豆記唔記得我地都成問題啦。」女兒冷冷說道。

劉公子身為人父，可算失敗。

「佢分身家果時記得我地咪得！」房間傳來美齡的大笑聲。

劉公子的淚水如緊閉的水龍頭，一滴也滴不出來。

「我地可以分到幾錢啊？」





「鬼叫你2個係女咩，又唔爭氣！應該每人十億啦！」美齡語帶責難又暗露歡欣之情。

「媽，我都唔想架......」

「咁你地明白點解要煮餐飯比老豆，等佢一路好走未？佢唔走，我地咪住私樓。走左，我地就住豪宅啦。買左豪宅就要慳d駛，如果唔係點過埋下半世！」美齡已經毫不掩飾自己的歡笑聲。

劉公子全身發軟，坐在地上，面無表情，眼神卻是呆望前方。

我知道，當一個人情緒大起大落後便會失去感覺。





「點解......點解會咁......」劉公子抱頭痛哭。

「你在生時有冇好好盡過為人父親既責任？係你既眼中就只有錢，你成功啦，你成功將仔女變到同你一模一樣。」我忍不住教訓劉公子。

馬面狠狠地盯了我一眼。

「你講咩話......係我令佢地變成咁樣......」劉公子淒怨的目光從下盯著我。

我不再說話，凡人對錯不由我來判斷。





牛頭馬面只負責執行職務，而且我是帶罪之身，何德何能教導別人，真是罪過。

「劉公子，仲有最後少少時間，你想番去邊到？」馬面把劉公子的思緒捕捉回來。

「邊到......」

「我好想番去搵真心掛住我既人。」

「我並唔知道邊個人最掛住你。」馬面抛下冷冷的回應。

馬面說得沒有錯，我們可不是尋人公司。

「咁有勞兩位大哥為我決定。」劉公子嘆一口氣。

我與馬面互瞄了一眼，意思是由他決定。





「好吧。」

馬面抓著劉公子的肩膀，來到天橋底下。

想不到，馬面真的答應了劉公子。