「伯爺婆,你以後點算好......一日都係我唔好,咁早就離開你地。」吳強唉聲嘆氣,眼睛閃個不停,淚水蓄勢待發。

「或者係天龍,上天唔想你咁辛苦。你照顧左我十幾年,已經盡哂責任,只怪我有呢個病,成為你既負擔。」伯爺婆閉上眼睛,竭力阻止淚水爆發。

德仔仍傻傻的,注心地看著馬面。

「伯爺婆,你仲記唔記得結婚果時我同你講過咩野?」吳強深情地注視伯爺婆。

「伯爺公,你每日都同我講咁多野,成日都氹我開心冇時停,我邊記得。」伯爺婆傻笑了一下。






「在我們的家人及朋友面前,我請在座各位見證,我吳強願意娶妳張細妹為我合法妻子。從今以後,當你喜樂,讓我分享你的喜樂,當你憂傷,讓我分擔你的憂傷,在你健康或病痛時支持你,與你在愛中共同成長,終生對你忠誠,直到永永遠遠。」吳強緊握著伯爺婆雙手,用兩隻手指做成小圓圈,裝作結婚指環,套在伯爺婆的無名指。

「傻佬!點解你仲會記得。」伯爺婆掉了眼淚,同時露出幸福的笑容。

「我呢一世都會記得。果時你話中意西人既羅漫蒂克,我地就膽粗粗去行西式婚禮,仲激到你阿爸鬼仔咁嬲,我點會唔記得。」吳強跟著伯爺婆,露出了甜笑。

「講笑咋傻婆,因為果日,係我人生最開心既日子。」

假如吳強擁有一個願望,我相信他會選擇記住伯爺婆一輩子。





就像我一樣。

就算你深愛著的人已經把你忘記得一乾二淨。
已有 0 人追稿