[人性] [感情事]我不會講你知，其實是第幾次: 淫蟲

又有一日，星期六，我約左班波友一大早踢波，Bobo知道後就話不如一齊食個早餐。 
我就當然冇所謂啦。 
我地約左係球場附近既茶餐廳食野。 
今日佢著得好清新，放左頭髮落黎，一條連身短裙加對平底鞋。 
食野既時候佢突然間問我 “其實你有冇拍拖呀？” 
我差D飯都埋出黎，擰哂頭咁話冇呀。 
我都唔知點解自己要咁緊張。 
佢冇講野，之後就話去睇我踢波。 

星期六朝早，球場多人都爆炸。 


因為食左早餐所以有D遲，好多人都已經到左。 
佢地一見到我同Bobo一齊黎，又即刻起哄。 
我好無奈咁話: “發情期咩你地而家？叫乜野呀叫？” 
跟住佢地就係到叫呀嫂。 

我同Bobo講唔好理佢地，點知Bobo話唔緊要。 
之後仲走左去同佢地傾計，反而變左得我自己一個坐係到。 

踢完波Bobo就話佢約左朋友要走喇。 
之後我地成班波友就去左食飯。 


理所當然，我同Bobo變左佢地話題。 

“喂Hugo，從實招來，你點識個靚女架？” 肥仔問我。 
“ICQ囉，你地上次練波咪見過囉。”我有少少尷尬。 
“你個仆街仔食左人地未呀？” 樂仔直接問我。 
“痴線，我地都唔係男女朋友。” 我笑住咁講。 
“唔係男女朋友唔食得架咩？” 樂仔講完之後佢地就係到淫笑。 
“唔好講笑，頭先佢坐係場邊，我幾想大風D呀！我仲好似見到黑色呀！”呀健興高采烈咁講。” 
“你個仆街仔咁賤係到”目及”野，你係咪想死呀？” 我作勢打佢。 
我冇真係打落去，因為我都有”目及”到…. 



番到屋企，就見到Bobo留左個ICQ Message俾我.