[人性] [感情事]我不會講你知，其實是第幾次: 戀愛ING

“不如你做我男朋友丫。” 

我個陣飲緊水，結果真係噴到成個Mon都係。 
心跳得好快，或者係因為第一次有人同我表白。 
作為雄性動物，有雌性主動同自己求愛，心入面真係會戚戚然。 
不過好快我就冷靜落黎。 
我見到Bobo仲on緊line，我就諗緊點覆佢好。 

對Bobo，好感我係有既。但佢咁突然表白我就反而有D不知所措。 
我問左樂仔意見，佢就話試下無妨，仲好衰格咁話我以後搵五姑娘啦。 


我再問左呀健意見，佢反而覺得我可以諗清楚，唔急於一時三刻覆佢。 

我決定聽呀健講。 

不過由於我怕Bobo係玩我，我就更加小心咁覆佢。 

“Bobo姐，唔好玩我啦。” 
“我認真架，我想你做我男朋友呀。” 
“你俾我考慮下先啦。” 



但係作為一個未拍過拖既小處男，其實我都真係欲欲想試。 
唔好諗歪，我指想拍拖姐。 
Bobo作為我J過唔知幾多次既對象，而家主動話想做我女朋友，其實我都唔知自己仲要考慮D乜。 

於是我就打俾佢。 

“Bobo?” 
“做咩呀？掛住我呀？” 
“少少啦，關於今日你問我個樣野呢…” 
“你諗好喇？” 


“係呀，我地…不如試下一齊？” 

就係咁，我同初戀Bobo就一齊左。