[人性] [感情事]我不會講你知，其實是第幾次: 兩小無猜
每段戀愛既一開頭都係甜蜜幸福得緊要。
係街諗起自己愛既人會冇啦啦傻笑。
係街見到得意既野會想買俾愛既人。
好似見少一日就會死咁樣。
好似自己既世界忽然就只有對方，轟轟烈烈咁中個頭埋去，冇哂家人朋友都唔覺得可惜。
雖然自細我老豆就同我講：做男人最緊要三妻四妾！呀仔，第時娶番十個八個老婆就岩喇。
不過對我黎講，初戀係神聖既。
而家係我眼中就只有Bobo一個。
“BB，星期六放假我地去邊到玩呀？”
“去睇戲好冇？最近上左套恐怖臘腸卷好似幾吸引…”
“下?我驚喎會唔會好恐怖架?”
“傻妹黎既，我係到架嘛，唔洗驚。”
“BB我可唔可以咬你呀？”
“做咩想咬我呀傻妹？”
“想囉!”
“呀呀呀，痛架！”
“唔痛咬你做咩姐！”
“BB呀你睇下!!好靚呀!!”
“你中意呀?我買俾你丫!”
“唔好啦，好貴呀！”
“你中意我幾貴都會買俾你。”
兩小無猜，真係好。