[人性] [感情事]我不會講你知，其實是第幾次: 偷野

"帥哥，請問你是香港人嗎？" 個男人問我。 

"是，甚麼事？" 

"沒有，剛才在餐廳看見你，看你打扮應該是香港人。我跟朋友明天正想去香港玩一天，你知道香港有甚麼一定要去的地方嗎？" 

我心諗，做乜咁無厘頭問D咁既問題架。 
不過見佢地唔係老笠，我都放鬆番D。 
呢個時間，另外兩個人都已經企左係我身邊。 



"香港沒甚麼好玩的，如果你喜歡吃東西，那一定要去明將壽司打大佬。" 

"是嗎？那是在哪裡？" 

我一五一十咁講左明將既地點同埋佢有幾出名俾佢聽。 
佢地多謝完我，就走左去喇。 

呼，總算鬆一口氣。 
呢個時候電話響起，陳生打俾我。 
我地約好左地點，問佢拎完野，我就即刻向羅湖出發。 



去到火車詞，我摸一摸身上既銀包，準備拎張八達通出黎。 

"仆街我個銀包呢?!" 我摸哂全身既袋都搵唔到。 
再發現我後褲袋俾人用刀仔界開左。 
我諗番起頭先個三個人，唔洗問呀貴都知係佢地啦。 

今次仆街喇真係，我證件，錢都冇哂，點番香港呀？ 
我打俾陳生，唯有請佢陪我去報公安啦。 



"BB呀，我岩岩俾人偷左銀包...而家去報公安呀..我諗我冇咁快番到黎呀。唉..." 

"下?咁你個人冇事丫嗎?!" 

見到Bobo咁緊張我，幾唔開心都真係覺得心頭一暖。 

"冇事呀...我番黎就搵你啦。你玩得開心D！幫我同樂仔佢地講聲。" 

當我攪哂所有手續，準備番香港既時候，其實已經3點鐘... 

好彩皇崗24小時通關，如果唔係真係要係陳生到借栗一燒。 

番到香港已經差唔多5點...我就即刻打俾Bobo。 

WTF?電話竟然冇人聽！唔知點解，我有D唔好既預感。