[人性] [感情事]我不會講你知，其實是第幾次: 織頸巾

番到屋企個晚，我即刻搵Kary。 
傾傾下就同佢講起樂仔既話題。 

"其實你同樂仔點識架?" 

"有日見佢係操場打波，佢真係好型！又高大又靚仔！跟住我就問佢拎左電話喇。" 

而家D女仔真係廟細燈籠大。 
呀唔係，係人細鬼大。 



"你鍾意佢呀？佢好受歡迎架喎。" 

"唔好話中意，做個朋友咁啦。"佢抄我講野。 

"如果你想知道多D關於佢既野，我唔介意同你分享架喎。不過..." 

"你想我用琪琪既資料同你交換呀？" 

醒目女，一語中的。 



"大家分享下姐。係呢，琪琪就黎生日喇，你知唔知佢中意D咩呀？" 

"我諗佢中意人地親手整既野。其實係女仔都中意人地有心思架啦。" 

就係因為呢句說話，我決定整野俾琪琪。 

"我想問呢，你識唔識織頸巾？" 我諗左一陣，然後問Kary。 

冇錯，我第一份整俾琪琪既禮物，係頸巾。 
而Kary，都打算織頸巾俾樂仔。 



就係因為咁，我呢段時間放學都約左KARY學織頸巾。 
當然，我地都唔會俾琪琪同樂仔知道。 
係呢段時間，我知道左好多關於琪琪既事。 
而我都將好多樂仔既野講左俾KARY聽。 

原來織頸巾唔係用好耐時間，我用左一個星期就攪掂左喇。 

之後我就要實行我既第二步。 
約琪琪生日去街！