[人性] [感情事]我不會講你知，其實是第幾次: 小驚喜 (4)

"樂仔，你當我求下你，唔好上去啦好冇..." Stella拉住樂仔既右手，想阻止佢去酒店。 

"傻妹，今次我都贊成樂仔咁做。一定要攪清楚！" 
Candy當然知道樂仔既心意，仲加多兩錢肉緊，咬牙切齒。 

"你地有冇諗過我？一日我見唔到，我都可以當冇呢件事發生。 
但如果...如果陣間我真係見到Hugo，我地就玩完架喇...我唔可以冇左佢架... 
求下你地啦。Candy，求下你幫我叫住樂仔啦好冇？" 
Stella講到眼淚鼻涕都留哂落黎。 



雖然樂仔同Candy見到Stella咁樣其實好心軟， 
但係大計只差一步，唔可以咁就功虧一簣架。 

Stella見樂仔同Candy都冇反應，就再講： 
"我唔上去呀。我唔要見到呀！" 

"好，Candy你係到陪佢。我上去打柒個死仔。 
唔打到佢牙到甩埋我唔叫張曉樂。" 

Stella聽到樂仔話要打我，即刻撲上黎捉住樂仔。 


"唔得呀！痴線架咩你唔可以打佢呀！" 

"咁啦Stella，我地一齊上去，一黎攪清楚係咩事。話唔定Hugo係無辜架呢。 
二黎有咩事，我地可以禁住樂仔丫嘛" Candy說服Stella. 

Stella最後都係好唔願意咁跟左樂仔上房。 
佢地一行三人直衝上7樓。 
到左712號房前面，樂仔大力拍門。 

"開門開門！" 



等左一陣，有個人打開左度門，係個呀嬸。